Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 244 Hüküm no: 373 Orijinal metin no: [67a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yeniçerilerden Mehmed b. Hamza’nın sipahiliğe çıkamaması üzerine verdiği iki yüz filoriyi kefillerden talep etmesi Dergâh-ı âlî yeniçerilerinden Mehmed b. Hamza Eymir b. el-Hâc Arslan nâm kimesneyi ve karındaşı Bâli b. Arslan nâm kimesneler mahzarında takrîr-i da‘vâ edip bundan akdem Mehmed b. Bayezid nâm kimesne beni sipâhiliğe çıkarmak için iki yüz filori alıp mezbûrlar kefîl olmuşlardır, mezbûr gaybet edip hâlâ mezbûrlardan taleb ederiz dediklerinde gıbbe’s-suâl ba‘de’l-inkâr müdde‘î-i mezbûrdan beyyine taleb olundukda udûl-i müslimînden Mehmed b. Abdullah er-râcil ve Hasan b. Abdullah nâm kimesneler li ecli’ş-şehâde hâzırân olup gıbbe’l-istişhâdi’ş-şer‘î münkir-i mezbûr mahzarında mezkûr müdde‘înin takrîrine mutâbık şehâdet-i şer‘iyye ettiklerinden sonra müslimîn tavassutu ile mezbûr müdde‘î zikr olunan meblağ yüz elli filoriye sulh edip mâ-vaka‘a bi’t-taleb kayd olundu. Tahrîren fî evâsıtı Zilhicce sene 970. Şuhûdü’l-hâl: Mustafa b. Mahmud bölükbaşı, Mustafa b. Abdullah, Ali b. Abdullah er-râcil, İbrahim b. İsmail, Behrâm b. Abdullah