Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 245 Hüküm no: 375 Orijinal metin no: [67b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa b. Mahmud’un, Nevbethâne mahallesindeki evini Ahmed Paşa evkâfına bey‘ bi’l-istiğlâl ile sattığı Mustafa b. Mahmud, âti’z-zikr menzilini, Cezâyir beylerbeyi iken vefât eden umdetü’l-emâcid ve’l-ekârim emîr-i kirâm Ahmed Paşa evkāfına mütevellî olan Ahmed Paşa’nın kardeşi çâşnigir fahrü’l-akrân Hasan Ağa b. Mehmed’e istiğlâlen bey‘ ettiğini ikrâr etti. Mütevellî-i mezbûr da vakf-ı mezbûr malıyla ve istiğlâl maksadıyla, mezbûr Mustafa’nın sâhibi ve mâliki olduğu, mahmiye-i Kostantıniyye mahallâtından Nevbethâne mahallesinde vâki‘, bir tarafdan Hüseyin Çelebi, Mustafa b. Bahşî ve Yusuf b. Hüsrev Çelebi mülkleri ve iki tarafdan da tarîk-i âm ile mahdûd olan mülk menzilini cümle hudûdu ile râyicü’l-vakt yedi bin akçe semen-i mu‘ayyen-i makbûzla iştirâ etti. Vâki‘ taleb üzerine, mütevellî-i mezbûr, menzil-i mezbûru bâyi‘-i merkūma zeyilde mezkûr seneden bir sene tamâmına yedi yüz akçe ücret-i kirâ ile kirâladı. Mütevellî-i mezbûr, vâki‘ ikrârı bi’l-muvâcehe tasdîk etti. Sâhib-i timar, sipâhi Ahmed Bey b. Abdullah ve bevvâb Ali b. Abdullah ve Hasan Çelebi b. Yakub nâm kimesneler menzil-i mezbûrun derkine ve ücret-i kirâya, îcâb ve kabûlü hâvî kefâletle kefîl oldu. Cerâ zâlike ve hurrire fi’l-yevmi’s-sâmin aşara min Zilhicce sene 970. Şuhûdü’l-hâl: Nasûh Bey b. Abdullah reisü’l-muhzırîn, Hasan Halîfe b. Ali el-imâm, Ali b. Mehmed el-müezzin, Derviş Mehmed Çelebi b. İskender el-mütevellî, Mustafa Bey b. Abdullah es-sipâhi Derkenâr: Ahmed Paşa vakfıdır.