Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 245 Hüküm no: 376 Orijinal metin no: [67b-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed Bey b. Abdullah’ın, Muhyiddin el-Hammâmî mahallesindeki evini bey‘ bi’l-istiğlâl ile Ahmed Paşa Evkâfı’na sattığı Sâhib-i timar Ahmed Bey b. Abdullah, âtiyyü’z-zikr menzilini, Cezâyir beylerbeyi iken vefât eden emîru’l-ümerâ’i’l-kirâm Ahmed Paşa evkāfına mütevellî olan kardeşi çâşnigir fahrü’l-akrân Hasan Ağa b. Mehmed’e bey‘ ettiğini ikrâr etti. Mütevellî-i mezbûr da vakf-ı mezbûr malıyla ve istiğlâl maksadıyla, merkūm Ahmed Bey’in sâhibi ve mâliki olduğu, mahmiye-i Kostantıniyye mahallâtından Muhyiddin el-Hammâmî mahallesinde vâki‘, iki tarafdan tarîk-i hâs ile ve el-Hâc Pervâne b. Abdullah mülkü ve Hayreddin Subaşı mülkü ile mahdûd olan mülk menzilini cümle hudûdu ile râyicü’l-vakt iki bin akçe semen-i mu‘ayyen-i makbûz ile iştirâ etti. Mütevellî-i mezbûr, menzil-i mezbûru bâyi‘-i merkūma zeyilde mezkûr seneden bir sene tamâmına iki yüz akçe ücret-i kirâ ile kirâladı. Mütevellî-i mezbûr, vâki‘ ikrârı vicâhen ve şifâhen tasdîk etti. Mustafa b. Mahmud ve Ahmed Kethüdâ b. Abdullah nâm kimesneler menzil-i mezbûrun derkine ve ücret-i kirâya, îcâb ve kabûlü hâvî kefâletle kefîl oldu. Cerâ zâlike ve hurrire fi’l-yevmi’s-sâmin aşara min Zilhicce sene 970. Şuhûdü’l-hâl: Şuhûd a‘lâhu Derkenâr: Ahmed Paşa vakfıdır.