Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 247 Hüküm no: 380 Orijinal metin no: [68a-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sipahi Ahmed b. Mehmed’in, Küçük Hacı mahallesindeki evini bey‘ bi’l-istiğlâl ile Ahmed Paşa evkâfına bey‘ bi’l-istiğlâl ile sattığı Sipâhi Ahmed b. Mehmed, âti’z-zikr menzilini mütevellî-i mezbûra bey‘ ettiğini ikrâr etti. Mütevellî-i mezbûr da vakf-ı mezbûr malıyla ve istiğlâl maksadıyla merkūm Ahmed’in sâhibi ve mâliki olduğu, mahmiye-i Kostantıniyye mahallâtından Küçük Hacı mahallesinde vâki‘, bir tarafdan Sultan vakfı, diğer tarafdan Emine Hâtun vakfı, öteki tarafdan merhûm Mehmed Paşa mülkü ve diğer tarafdan da tarîk-i âm ile mahdûd mülk menzilini cümle hudûdu ve kâffe-i hukūku ile râyicü’l-vakt on beş bin akçe semen-i mu‘ayyen-i makbûz ile iştirâ etti. Mütevellî-i mezbûr sonra zeyilde muharrer târihden bir sene tamâmına bin beş yüz akçe ücret-i kirâ ile menzil-i mezbûru bâyi‘-i mezbûra kirâladı. Mütevellî-i mezbûr vâki‘ ikrârı bi’l-muvâcehe tasdîk etti. Ekmekçiler kethüdâsı Ahmed b. Ali menzil-i mezbûrun derkine ve ücret-i kirâya îcâb ve kabûlü hâvî kefâletle kefîl oldu. Cerâ zâlike ve hurrire fî 19 Zilhicce sene 970. Şuhûdü’l-hâl: Şuhûd a‘lâhu