Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 262 Hüküm no: 410 Orijinal metin no: [72b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kara Ali Çavuş b. Oruc’un muhallefâtından alacağı olan eşinin diğer vârisi olan oğluyla anlaşması Bundan akdem fevt olup verâseti oğlu Mustafa Çavuş’a ve zevcesi Halime bt. Mehmed’e münhasıra olan Kara Ali Çavuş b. Oruc nâm kimesne vârislerinden mezbûre Halime kıbelinden husûs-ı âtî[ye] Kasım b. Abdullah Süleyman b. Abdullah şehâdetleri ile vekâlet-i mutlakası sâbit olan Ca‘fer b. Abdullah mezbûr Mustafa mahzarında ikrâr edip sâlifen mezbûre müvekkilem, mezbûr müteveffânın muhallefâtından on bin akçe mehr ve otuz bin akçe karz-ı hasen verdim deyû taleb etmiş idi, hâlâ ibrâ mukābelesinde on iki bin iki yüz akçe ve bir kır bargîr alıp kabz edip ve mezbûr Mustafa Bey zimmetini cemî‘ da‘vâdan ve eymân ve muhâsamâtdan umûmen, husûsen mezbûr müteveffânın terekesine müte‘allik olan da‘vâdan ibrâ-i âmla ibrâ ve iskāt etti dedikde mukırr-ı mezbûru mezkûr Mustafa bi’l-muvâcehe tasdîk ve ibrâsını kabûl edicek kayd olundu. Fî 9 Muharrem sene 971. Şuhûdü’l-hâl: Mehmed b. İbrahim, Mustafa b. Mehmed, Eynehan b. Abdullah, Mustafa Abdullah, Mustafa Abdullah, Ömer Çelebi eş-şeyh, Ahmed [b.] İbrahim, Ahmed [b.] Mustafa ve gayruhüm.