Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 278 Hüküm no: 441 Orijinal metin no: [77b (2)-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Merhûm Cerrâh Hacı Ali’nin vakıf tevliyetinin İbrahim b. Abdullah’a verilmesi Oldur ki, Mahrûse-i İstanbul’da merhûm Cerrâh Hacı Ali nâm kimesne hâl-i hayâtında on üç bin akçe ve bir dükkân vakf edip ve mütevellîsine her senede yüz akçe ta‘yîn edip hâlâ mezbûr müteveffânın mu‘takı olan hâmil-i hâze’l-kitâb İbrahim b. Abdullah nâm kimesne tevliyet-i mezbûreye mahaldir deyû vakf-ı mezbûrun mürtezikası ve sâir udûl-i müslimînden sikāt haber vermeğin zikr olunan tevliyet mezbûr İbrahim’e sadaka olundu gerekdir ki min-ba‘di’l-yevm hidemât-ı lâzimesin edâ ettikden sonra her sene de evkāf-ı mezbûreden yüz akçeye mutasarrıf ola Pâdişâh-ı âlem-penâh hazretlerinin devâm-ı devletine ve vâkıf-ı mezbûr rûhuna du‘âya meşgûl ola. Hurrire fî evâili Saferi’l-hayr sene 971. Şuhûdü’l-hâl: Mevlânâ Musa b. Yunus el-imâm, el-Hâc Mustafa b. Muhyiddin el-müezzin, Hasan Bey b. Abdullah, el-Hâc Ahmed b. Ali, Mevlânâ Muhyiddin b. Mustafa, el-Hâc Hemdem b. Abdullah, İskender Bey b. Abdullah es-sipâhi