Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 278 Hüküm no: 442 Orijinal metin no: [77b (2)-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Cerrâh Ali Ağa’nın muhallefâtından vasîsi Mustafa Bey’de kalan paranın tahsiline kefil tayini Merhûm Cerrâh el-Hâc Ali Ağa Evkāfı’na bi’l-fi‘il mütevellî olan İbrahim b. Abdullah meclis-i şer‘-i şerîfde merhûm-ı mezbûrun muhallefâtını zabta vasiyy-i muhtârı olan Mustafa Bey b. Ali Bey mahzarında ikrâr ve takrîr-i merâm edip merhûm-ı merkūmun vakf eylediği on üç bin akçenin on bir bin akçesini mezbûr vasînin yedinden hükm-i tevliyetim ile bî-kusûr alıp kabz eyledim iki bin akçesi dahi mezbûr vasînin yedindedir dedikde mukırr-ı mezbûru merkūm vasî bi’l-muvâcehe tasdîk ettikden sonra merhûm-ı mezbûrun mu‘taklarından Hüsrev b. Abdullah nâm kimesne meclis-i şer‘a gelip zikr olunan İbrahim’in kabz ettiği akçenin ben zararına kefîlim dedikde mâ-vaka‘a bi’t-taleb kayd olundu. Fi’l-yevmi’l-mezbûr. Şuhûdü’l-hâl: Şuhûd a‘lâhu.