Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 282 Hüküm no: 453 Orijinal metin no: [79a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hasan b. İvaz’ın muhallefâtı için kız kardeşleri ve amca oğullarının açtıkları verâset davası Kaziyye oldur ki, Antalya’da fevt olan Hasan b. İvaz nâm kimesne muhallefâtından on yedi bin altı yüz on sekiz akçesi sene 971 Muharremi’nin 15[’inde] sağ bölük ulûfecilerinden havâle olan Mustafa yedinden Hızâne-i âmireye teslîm olunmuşdur. Hâlen Musa b. Durmuş nâm kimesne gelip müteveffâ-yı mezbûrun kazâ-i Mekri’de mütemekkin olan Paşa Ana ve Paşalı ve Fâtıma nâm hâtunlar li eb ve üm kız karındaşlardır. Veli nâm sagīr müteveffâ-yı mezbûrun li eb ve üm ammi olan Ali b. Mezid nâm kimesnenin sulbî oğludur ve Himmet nâm sagīr müteveffâ-yı mezbûrun ammi olan Mehmed b. Mezid’in oğludur verâset mezbûrlara münhasıradır ve ben mezbûra hâtunlar da‘vâlarına ve kabz-ı mallarına vekîliyim ve mezbûrân sagīrlerin kıbel-i şer‘den mansûb vasîsiyim deyip Mekri kadısı olan Mevlânâ Nasrullah b. Abdullah’dan nakl-i şehâdet ibrâz edip da‘vâ-yı verâset eyledikde Hamza b. Ahmed ve Hasan b. İsmail ve Mahmud b. Nasûh ve Ali b. Hızır şehâdetleri ile Hüseyin b. İsmail ve Torbalı b. Hasan nâm kimesneler tezkiyeleri ile hükm olundu. Fi’l-mezbûr. Şuhûdü’l-hâl: ( )