Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 304 Hüküm no: 495 Orijinal metin no: [86b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Şah Hûbân Hatun bt. Abdurrahman Vakfı’nın, Süleyman Çelebi b. Sinan ve Fahrünnisâ Sultan bt. Ali Bey’e ödünç verdiği Mısr-ı Kahire azebler ağası fahrü’l-akrân zahrü’l-a‘yân Süleyman Çelebi b. Sinan kıbelinden husûs-i âti’z-zikri ikrâra vekâleti Ömer b. Hüseyin ve el-Hâc Hasan b. Nesimî’nin şehâdetleri ile sâbit olan Mustafa b. Abdullah, müvekkil-i mezbûrunun zimmetinde, kendi vakfının mütevelliyesi olan fahrü’l-muhadderât zahrü’l-muvakkarât Şah Hûbân Hâtun bt. Abdurrahman muamelesi ile vakf-ı mezbûra karz-ı şer‘î cihetinden bin yüz altın -altmış altı bin akçe- ve müşterâ-yı makbûz samur kürk ve cinsi beynlerinde ma‘lûm kumaş bahâsından zeyilde mezkûr senenin gurre-i Rebî‘ulevvelinden bir sene tamâmına müeccel olan dört bin dört yüz akçe borcu olduğunu bi’l-vekâle ikrâr etti. Müvekkil-i mûmâ ileyhin zevcesi umdetü’l-muhadderât zübdetü’l-muvakkarât Fahrünnisâ Sultan bt. merhûm Ali Bey kıbelinden âti’z-zikri ikrâra vekâleti Ahmed b. Yusuf ve Mustafa b. Abdullah’ın şehâdetleri ile sâbit olan vekîl Ömer Hüseyin, müvekkile-i mezbûresinin, zevcinin zimmetindeki vakf-ı mezbûrun hakkı olan cemî‘ meblağa îcâb ve kabûlü hâvî kefâletle kefîl olduğunu bi’l-vekâle ikrâr etti. Zevce-i mezbûrenin zimmetinde de vakf-ı mezbûrun mütevellîye-i mezbûre muamelesiyle karz-ı şer‘îden yirmi dört bin akçe ve târih-i mezbûrdan bir sene tamâmına müeccel olmak üzre, cinsi beynlerinde ma‘lûm müşterâ-yı makbûz kumaş bahâsından bin altı yüz akçe hakkı bulunduğunu da ikrâr etti. Mütevellîye-i merkūme kıbelinden kaziyyeyi tasdîke vekâleti bimâ hüve tarîki’s-sübût şer‘an sâbit olan fahrü’l-a‘yân Hüseyin Çelebi [b.] İlyas, mukırr-ı mezbûru bi’l-muvâcehe tasdîk etti. Cerâ zâlike ve hurrire fî evâili Rebî‘ulevvel sene 971. Şuhûdü’l-hâl: Şuhûd a‘lâhu