Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 305 Hüküm no: 496 Orijinal metin no: [86b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Muhtesib Karagöz mahallesinde ölen Sırrı b. Hasan’ın vârislerinin tespiti Muhtesib Karagöz mahallesinde fevt olan Mevlânâ Sırrı b. Hasan nâm kimesne muhallefâtından üç bin otuz akçesi sene 971 Muharremi’nde hâssa beytülmâl içün zabt olundu, hâlâ el-Hâc Sinan b. Davud nâm kimesne gelip müteveffâ-yı mezbûrun kazâ-i Manisa’da Çaprazlar? mahallesinde mütemekkin olan Mehmed ve Ahmed nâm sagīrler sulbî oğulları ve Ayşe ve Fâtıma nâm hâtunlar sulbiye kızlarıdır ve Hanım bt. Melek nâm hâtun menkûhasıdır fevt oluncaya değin taht-ı nikâhında idi, verâset mezbûrlara münhasırdır gayri vârisi yoktur ve ben sagīreyn-i mezbûreynin kıbel-i şer‘den mansûb vasîsi ve mezkûrât hâtunların vekîliyim deyû hâlâ Manisa kadısı olan Mevlânâ Süleyman el-Hâc Yakub’dan nakl-i şehâdet ibrâz edip vesâyeten ve vekâleten da‘vâ-yı verâset ettikde Cafer b. Turgud el-Müderris ve Mevlânâ Mustafa b. Derviş Mehmed nâm kimesneler şehâdetleri ile Mevlânâ Halil b. Osman ve Mevlânâ Mustafa b. Abdullah tezkiyeleriyle hükm olundu. Fî evâsıtı Rebî‘ilevvel sene 971. Şuhûdü’l-hâl: ( )