Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 61 Hüküm no: 9 Orijinal metin no: [1b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kasap Makri’nin ortakları üzerinde olan hissesini talebi Vech-i tahrîr-i sicil oldur ki, Makri kasab meclis-i şer‘a ortakları Kara oğlan ve Tokmak ve İskerlet ve Hüseyin ve Ahmed nâm kimesneler ile meclis-i şer‘a gelip mezbûr Makri bunların zimmetinde o[r]taklıkdan yedi bin akçe kaldı taleb ederim deyicek mezbûr Ahmed ve Hüseyin ve Kara oğlan ve Tokmak şöyle cevâb verdiler ki vâkı‘â kaldı yedi bin akçeye on bir ortağız taleb ile hissemize ne düşerse verelim biz ikrâr eyledik verelim bâkîsinden de yoldaşlara hisse ne düşerse anı verelim hakkımızı verelim mu‘âvenet edelim yedi bin akçen on bir yoldaşda kalmışdır hakkımızı verelim deyu i‘tirâfları mezbûr Makri talebi ile sicil olundu. Şuhûdü’l-hâl: Hasan b. Abdullah ve Abdi Çelebi b. Ali ve Cafer b. Abdullah, Hacı Ramazan b. Hacı Abdullah, Hacı Abdülkerim b. Ahmed ve Mehmed b. Mustafa ve gayruhüm.