Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 61 Hüküm no: 8 Orijinal metin no: [1b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Cafer b. Mehmed’in arsasını Hasan Çelebi b. Mehmed’e sattığı Vech-i tahrîr-i sicil oldur ki, Beşiktaş’da sâkin olan Cafer b. Mehmed meclis-i şer‘-i şerîfe gelip şöyle ikrâr ve i‘tirâf iyledi ki Ali Fakih mahalle kurbünde vâki‘ olan arz-ı hâliye ki Sultan Bayezid evkāfına düşenden dörder akçe derler iki dönüm mikdârı yer ki içinde bir kuyusu ile bir tarafı Kulak Ahmed mülküne bir tarafı târîk-i âmm ile tarafeyni arz-ı hâliye ile mahdûd maktû‘a-i mezbûreyi işbu hâmilü’l-kitâb Hasan Çelebi b. Mehmed tasarrufuna üç yüz altmış râyicü’l-vakt akçeye bey‘ eyledim, hâliyâ teslîm-i mebî‘ ve kabz-ı semen dahi olmuş dedikde mukırr-ı mezbûrun ikrârı mukarrun lehü’l-merkūm Hasan bi’l-müvâcehe tasdîk edip mâ-vaka‘a bi’t-taleb ketb olundu. Tahrîren fî evâhir-i Cumâdelâhire sene 966 Şuhûdü’l-hâl: Mehmed b. Mustafa el-muhzır ve İbrahim b. Sadık ve İbrahim b. Cevad, Mehmed b. Veli el-imâm ve Kurd b. Aydın ve İbrahim b. Cevad ve gayruhüm.