Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 66 Hüküm no: 24 Orijinal metin no: [3b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Todor v. Trandafilo ve Aleksi v. Nikola’nın ölen Makri’nin muhallefatının kendilerinde olmadığına yemin verdikleri Vech-i tahrîr-i sicil oldur ki Mevlânâ Abdurrahman Çelebi b. Mevlânâ el-Hâc Halîfe ve Kâtib Süleyman Çelebi b. Abdullah emîn-i beytü’l-mâl-i hâs meclis-i şer‘-i şerîfe gelip fevt olan Makri Leond’un muhallefâtın taleb için Todor v. Trandafilo’yu ve Aleksi v. Nikola ile ihzâr edip ve mahzarlarında şöyle da‘vâ eylediler ki mezbûr müteveffâ Makri’nin kırk bin akçe nakdi ve sâir eşyâsı kalıp cem‘an doksan bin akçe taleb ederiz deyicek mezbûre Trandafilo’ya suâl olundukda inkâr ile cevâb vericek mezbûrânın da‘vâsına mutâbık beyyine taleb olundukda biz âciziz şâhidlerimiz dahi yokdur deyicek mezbûrân bi’l-müvâcehe yemîn teklîf edip kelâm-ı kadîme ve İncil’e yemîn verilip mâ vaka‘a bi’t-taleb sicil olundu, Şuhûdü’l-hâl: Hasan b. Abdullah el-mütevellî alâ vakfi Papazzâde, Ahmed Çelebi b. Mirza, Hüseyin b. Abdullah ve Mehmed b. Mustafa el-muhzır, İsmihan Mustafa b. Abdullah, Musa b. Abdullah İbrahim b. Sadık el-müezzin.