Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 66 Hüküm no: 25 Orijinal metin no: [3b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İskender Bey b. Abdullah’ın karısını boşamak için yeniçeri Nasuh Bey’i vekil ta‘yîn ettiği Vech-i tahrîr-i sicil oldur ki İskender Bey b. Abdullah meclis-i şer‘-i şerîfe gelip İskender Bey Süleyman ve İbrahim b. Sadık ve Mevlânâ Mehmed b. Bayram ve Musa Bey b Abdullah ve Yeniçeri Şaban b. Mustafa mahzarlarında şöyle ikrâr ve i‘tirâf eyledi ki kazâ-i Tonbes’de karye-i Sarualan bende Nasuh yeniçeri sâkin evde zevcem Zahide bt. Abdullah anda varmağa kudretim olmadığı ecilden andan olan esbâbımı hibe eyledim üç yüz akçe mihr-i mü’eccel olup anı dahi Nasuh yeniçeri ile gönderip nafaka-i iddetin dahi anın ile gönderip bu vecih üzere mezbûre zevcem Zahide benden bâin talâk boş olsun ve Nasuh Bey bu zikr olunanları ve bu hüccet-i şârihayı îsâl eyleye dahi mezbûr Nasuh Bey’i vekîl eyledim deyu i‘tirâf edip i‘tirâf Nasuh Bey talebi ile sicil olundu. Tahrîren fî evâsıt-ı Ramazanü’l-mübarek sene 966 Şuhûdü’l-hâl: Mahmud Bey b. Abdullah el-mütemekkin fî Yanya, Ayaz Yeniçeri b. Abdullah sâkin fî ...? ve İsa Subaşı b. Abdullah ve gayruhüm.