Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 84 Hüküm no: 88 Orijinal metin no: [9a-4, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Petko v. Todor’un bey‘ bi’l-istiğlâl yoluyla Kerem Çelebi Vakfı’ndan ödünç aldığı Petko v. Todor, işbu akdin kendisinden sudûruna kadar mâliki olduğu ve taht-ı tasarrufunda bulundurduğu, Havâss-ı Kostantıniyye-i mahmiyyeye tâbi‘ Beşiktaşı karyesinde kâin, tahtânî beş hâneyi, bahçeyi ve dükkânı hâvî, tarafeynden tarîk-ı âm ile, bir tarafından karşısında bulunan nehir ile ve bir tarafından da Yani [v.] Dimitri mülkü ile mahdûd olan cemî‘ menzilini cümle hudûdu ve kâffe-i hukukuyla râyicü’l-vakt altı bin akçe semen-i mu‘ayyen-i makbûz ile Kerem Çelebi Vakfı’na mütevellî olan hâmil-i hâze’l-kitâb Mustafa b. Hacı Bayram’a bey‘ ettiğini ikrâr ve i‘tirâf eyledi. O dahî vakf-ı mezbûr malıyla ve istiğlâl maksadıyla iştirâ eyledi. Mütevellî-yi mezkûr menzil-i mezbûru gurre-i Zilka‘deden bir sene tamâmına râyicü’l-vakt yediyüz elli akçe ücret-i kirâ ile mezbûr Petko’ya icâreye verdi. Yani v. Niko ve Dimitri [v.] Serzako ve Yani [v.] Dimitri icâre-i mezkûrenin zararına kefîl oldu. Vâki‘ ikrâr, mukarrun lehü’l-mezbûr tarafından vicâhen ve şifâhen tasdîk edildi. Cerâ zâlike ve hurrire fî evâili Zilhicce min şuhûri sene sitte ve sittûn ve tis‘a mi’e Şuhûdü’l-hâl: Fahreddin b. Hacı Bayram, Sinan Dede b. Hamza, Hüsam Ali b. Hacı Yahya, Kerim Çelebi b. Hasan, Hacı Memi b. Hacı Sa‘di, Abdi Çelebi b. Ali, Mustafa b. Abdullah