Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 83 Hüküm no: 87 Orijinal metin no: [9a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kubad b. Abdullah’ın Pîrî Ağa’ya ait evi yıktığı Vech-i tahrîr-i sicil budur ki Reisü’l-hazâini’l-bîrûnî Pîrî Ağa hazretlerinin vekîli olan Sinan Subaşı b. Abdullah nâm kimesnenin [vekâleti] Cafer b. Sırrı ve Hasan b. Abdullah şehâdetleriyle sâbit oldukdan sonra Ekmekcibaşı mahallesinde Kubad b. Abdullah nâm kimesne meclis-i şer‘-i şerîfe ve mahfil-i hükm-i münîfe ihzâr ettikde da‘vâ kılıp müvekkilim Pîrî Ağa hazretleri mahalle-i mezkûrede ma‘lûmü’l-hudûd aldığı evin içinde bir çatma evini yurdun niçin bozdun deyu suâl olundukda mezkûr Kubad dahi fi’l-vâki‘ ben ol çatma evi yıkdım ammâ kendi mülkümdür anıni’çün yıkdım deyicek mezbûr Sinan Subaşı talebiyle sicil olundu. Fi’t-târîhi’l-mezbûr Şuhûdü’l-hâl: Cafer Halîfe, Üstad Veli, Mahmud b. Abdullah, Ali b. Abdullah ve gayruhüm.