Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 88 Hüküm no: 103 Orijinal metin no: [10b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Cafer b. Abdullah’ın oturduğu evin Hazinedarbaşı Pîrî Ağa’ya ait olduğu Vech-i tahrîr-i sicil budur ki Havâss-ı Kostantıniyye-i mahmiyyeye tâbi‘ Beşiktaşı nâm karyeden Dış Hazinedarbaşı Pîrî Ağa karye-i mezkûreden Cafer b. Abdullah nâm kimesneyi meclis-i şer‘-i şerîfe ihzâr ettikde da‘vâ karye-i mezkûrede senin sâkin olduğun ev benim mülkümdür Ekmekçi Sittioğlu Abdi Çelebi’den satın aldım hüccetimde dâhildir deyicek mezkûr Cafer’den suâl olundukda inkâr ile cevâb vericek hüccete nazar olunup bi-hasebi’ş-şer‘ mezkûr ağanın mülkiyetine hükm olunup mezkûr mülkden hakkımda lâzım gelecek mezkûr Cafer cevâb verip çünki zikr olunan ev senindir muhammin getirin tahmîn etsin benim haracım versin çıkayım haracımdan gayri sizinle da‘vâya nizâ‘ım yokdur deyicek mezbûr Pîrî Ağa talebiyle sicile kayd olundu. Tahrîren fî evâsıt-ı Zilhicce sene 966 Şuhûdü’l-hâl: Kubad b. Kasım, İskender b. Abdullah el-kâtib, Ferhad b. Abdullah, İskender b. Abdullah Sipahî, Cafer b. Sırrı İmâm, Cafer b. Abdullah, Abdi b. Ali.