Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 92 Hüküm no: 111 Orijinal metin no: [11b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Cafer b. Abdullah’ın Pîrî Ağa’nın evine yaptığı masrafları tahsil ettiği Vech-i tahrîr-i sicil budur ki Karye-i Beşiktaşı’ndan Cafer b. Abdullah ve Şems bt. Abdullah canibinden vekîl-i şer‘isi Şemseddin Halîfe meclis-i şer‘-i şerîfe hâzır oldukda ikrâr kılıp semt-i mezbûrda sınır olan ev ki bi-hasebi’ş-şer‘i’ş-şerîf Pîrî Ağa’ya hükm oldu anda olan harcım ki yir[m]i üç di[r]ek yüz elli akçeye ve 30 verge 150 akçeye merdivenlik 30 akçeye yük taşı 4 300 pedevre 60 akçeye üstâdiye günde 12 akçeden aded-i yevm 15 cem‘an 180 ücret-i meşâk 30 ve bi’l-cümle enserîden ve kuyu harcından ve havlusu meremmâtından cem‘an bin akçe işbu sâhibü’s-sicil reîsü’l-hazâîni’l-Bîrûnî Pîrî Ağa’dan alıp kabz edip ibrâ ve ıskāt ettim mezbûra müte‘allık mezbûr Pîrî Ağa’yla da‘vâm ve nizâ‘ım yokdur eğer da‘vâ edersem inde’l-hükkâm mesmû‘ olmaya de[yü]cek mezbûr Pîrî Ağa talebiyle sicile kayd olundu. Fi’t-târîhi’l-mezbûr sene-i mezkûr Şuhûdü’l-hâl: Sicil-i sâbık.