Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 96 Hüküm no: 120 Orijinal metin no: [13a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tiyofulo v. Yani’nin Petro v. Nikola’da olan beygirlerini taleb etmesi Vech-i tahrîr-i sicil budur ki Tiyofulo Yani cânibinden vekîl olan Yani Kosta meclis-i şer‘-i şerîfe Petro v. Nikola nâm zimmîyi meclis-i şer‘-i şerîfe ihzâr ettikde da‘vâ kılıp müvekkilim Tiyofulo v. Yani nâm zimmî Petro v. Nikola nâm zimmîye ihzâr ettikde müvekkilim Tiyofulo’nun zimmetinde beş bârgiri vardır hâliyâ vekîli olduğum hasebiyle taleb ederim deyicek mezbûr Petro’dan suâl oluncak ikrârıyla cevâb verip iki ay vardır ki karındaşım ırgadı idi anınla bana gönderdi el-ân bendedir deyicek getirilmesine hükm olunup bârgirleri getirmesine ve hîn-i mutâlebede ihzârına ve bi’l-husûs bu da‘vânın cümlesine ve husûmet iki ay Petro’da idiğine ve cümle da‘vâsına vekîl idiği mezbûr Petro’nun ikrâr bi’t-taleb sicile kayd olundu. Şuhûdü’l-hâl: Üstâd Hasan b. Abdullah, Cafer b. Pîr Mehmed, Mehmed b. Mahmud ve gayruhüm.