Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 96 Hüküm no: 119 Orijinal metin no: [12b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Atnaş v. Pavli’nin bağını Manol v. Nikola’ya sattığı Vech-i tahrîr-i sicil budur ki Beşiktaşı nâm karye kurbünde Arnavudköyü nâm karyeden Atanaş v. Pavli nâm zimmî meclis-i şer‘-i şerîfe hâzır oldukda ikrâr kılıp bir taraf Yani Deşo ve bir taraf Koca v. Desko ve bir taraf Yani Nikola ve bir taraf Manol v. Nikola ve bir taraf tarîk-i âmmla mahdûd bağımı iki bin akçe râyicü’l-vakt Sultân Süleymanî akçeye işbu bâ‘isü’l-kitâb Manol v. Nikola nâm zimmîye iki bin akçeye bey‘ edip teslîm-i mebî‘ kabz-ı semen ettim deyicek mezbûrun ikrârını mezbûr Manol tasdîk edip bi’t-taleb sicile kayd olundu. Tahrîren fî evâhir-i Muharremü’l-harâm sene 967 Şuhûdü’l-hâl: Kosta Yorgi, Kosta Petro, Nikola Yorgi ve gayruhüm.