Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 97 Hüküm no: 125 Orijinal metin no: [13b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed b. Ramazan’ın Andreya v. Yani’de olan alacağını talep ettiği An-tahrîri Saferi’l-muzaffer min şuhûrî sene seb‘a ve sittîn ve tis‘a mi’e Vech-i tahrîr-i sicil budur ki Havâss-ı Kostantıniyye-i mahmiyyeye tâbi‘ Beşiktaşı nâm karyeden Bekir b. Abdullah el- vekîl bi-tarîki’s-sübût şer‘an es-sâbit vekâletühû an-kıbeli Mehmed b. Ramazan meclis-i şer‘-i şerîfe ve mahfil-i hükm-i münîfe Andreya v. Yani nâm zimmîyi ihzâr ettikde da‘vâ kılıp müvekkilim kaynım Mehmed’in mezbûr zimmîde iki bin akçe karzdan iki yüz akçe çuka bahâsından ki cem‘an iki bin iki yüz akçe olur min haysü’l-vekâle taleb ederim deyicek mezkûr zimmîden suâl olundukda bi’t-tav‘ ve’r-rızâ‘ ikrâr kılıp fi’l-vâki‘ meblağ-ı mezkûr aldım zimmetimdedir deyicek mezkûr Nasuh Bey talebiyle sicile kayd olunup muhzır Mehmed’e teslîm olundu. Tahrîren fî gurre-i Saferü’l-muzaffer sene 967 Şuhûdü’l-hâl: Yakub Efendi b. Naci el-müderris, Hasan b. Abdullah el-berber, Ferhad b. Abdullah, Kurd b. Ahmed, Ahmed b. Mahmud.