Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 98 Hüküm no: 126 Orijinal metin no: [13b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Dilâram Hatun’un Hasan b. Abdullah’a ölen kocasından kalan borcunu ödediği Vech-i tahrîr-i sicil budur ki Dilâram nâm hatun cânibinden vekâleti sâbit olan Hürrem b. Abdullah nâm kimesne meclis-i şer‘-i şerîfe hâzır oldukda ikrâr kılıp mezkûre hatunun Zahide ve Âişe nâm yetîmelerine babalarından intikâl eden akçeden bin akçe karzdan yüz akçe çuka bahâsından işbu bâ‘isü’s-sicil Hasan b. Abdullah nâm kimesneye müvekkilem hatunun velâyet tarîkiyle verdim deyicek mukırr-ı mezkûrun ikrârı mezbûr Hasan tasdîk edip bi’t-taleb sicile kayd olundu. Tahrîren fî gurreti Saferü’l-muzaffer sene 967 Sümme kefele bi-dereketihî İbrahim b. Sadık kefâleten sahîhaten makbûleten ba‘de ri‘âyeti şerâ’iti’l-kabûl fi’l-mastûr. Şuhûdü’l-hâl: Nebi b. Mustafa Halîfe an-mekteb, Kurd el-müezzin, ve Kâtib Nebi, Hasan b. Abdullah.