Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 102 Hüküm no: 137 Orijinal metin no: [15a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali b. Hoca Seydi’nin evini kızkardeşi Hatice bt. Hoca Seydi’ye sattığı Vech-i tahrîr-i sicil budur ki Havâss-ı Kostantiniyye-i mahmiyyeye tâbi‘ Beşiktaşı nâm karye muzâfâtından Arabköyü nâm karyeden Ali b. Hoca Seydi nâm kimesne meclis-i şer‘-i şerîfe ve mahfil-i hükm-i münîfe hâzır oldukda bi’t-tav‘ ve’r-rızâ‘ ikrâr kılıp karye-i mezkûrda bir taraf Memi Çelebi b. Silahdar ve bir taraf Hasan b Hoca Seydi ve bir taraf Ayni bt. Hızır mülküyle mahdûd ve Arablı tekkesine gider yolda küçük kapı ki mezkûre Ayni bt. Hızır ile müşterek olan mülk menzilimi ki bin beş yüz akçeye Zeyneb bt. Hızır nâm hatundan ki karındaşım kızıdır bey‘ edip teslîm-i mebî‘ kabz-ı semen etmişdim hâliyâ mülk-i mezbûr hadd ü tarîkasıyle işbu hâmilü’l-kitâb kız karındaşım Hatice bt. Hoca Seydi’ye geri bin beş yüz akçeye bey‘ edip teslîm-i mebî‘ kabz-ı semen ettim deyicek mukırr-ı mezkûrun ikrârını mezbûre Hatice bi’l-müvâcehe tasdîk edip talebleriyle sicile kayd olundu. Tahrîren fî selh-i Saferü’l-muzaffer sene 967 Şuhûdü’l-hâl: Şeyhi Çelebi imâm-ı Sultan Süleymân, Mahmud Çelebi el-imâm, Hüseyin b. Halil, Memi b. Bayezid, Ömer b. Bayezid, Hurmacı Yunus, Mustafa b. Hasan, Mehmed b. Mustafa el-muhzır, kâtibü’l-hurûf Derviş b. Mehmed ve gayruhüm. An Rebî‘i’l-evvel sene seb‘a ve sittîn ve tis‘a mi’e. Vaktü mübâşereti’l-fakîr Musa b. Mehmed fî niyâbeti nâhiyeti Beşiktaşı min tevâbi‘i Havâss-ı Kostantiniyyeti’l-mahmiyyeti fî yevmi’l-Cum‘a El-Cum‘atü an gurreti Rebî‘ülevvel sene 967 Yevmü’l-Cum‘a fî 1 hüccetü İstiko an karye-i Orta ibrâ <>