Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 106 Hüküm no: 144 Orijinal metin no: [16b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasan b. Abdullah’ın Zenbute bt. Yorgi’ye emanet verdiği akçeyi talep etmesi Oldur ki Bekâr Hasan b. Abdullah Kuruçeşme nâm karyede sâkine Zenbute bt. Yorgi nâm zimmiyyeyi mahfil-i şer‘a ihzâr ve mahzarında takrîr-i cevâb edip bundan akdem işbu müşârun-ileyha Zenbute’ye altı yüz nakid akçe emânet kodum idi hâliyâ meblağ-ı merkūmu taleb ederim deyicek gıbbe’s-suâl mezbûre Zenbute işbu sâhibü’s-sicil Bekâr Hasan’ın emâneti olan altı yüzünü koynumdan düşürüb zâyi‘ deyu cevâb verdiği bi’t-taleb kayd olundu. Tahrîren fî evâil-i Rebî‘ülevvel sene 967 Şuhûdü’l-hâl: Murad Bey Abdullah er-râcil, Mustafa b. Mehmed el-muhzır, Dimitri b. Pavlov, Todori v. Yorgi, Nikola v. Yorgi ve gayruhüm mine’l-hâzırîn.