Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 122 Hüküm no: 183 Orijinal metin no: [22a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yusuf b. Abdullah’ın emanet parasının ödendiğini Nikola v. Yorgi’nin ispat etmesi Yevmü’s-sebt fî 8 Vech-i tahrîr-i sicil budur ki Beşiktaşı’nda Yusuf b. Abdullah nâm kimesne Nikola v. Yorgi nâm zimmîyi meclis-i şer‘a ihzâr ve mahzarında takrîr-i da‘vâ kılıp işbu bâ‘is-i hâze’s-sicil Nikola’ya on iki tâne el-veznü tâm filori emânet kodum idi hâliyâ taleb ederim deyicek gıbbe’s-suâl mezbûr Nikola takrîr-i cevâb edip inkâren merkūm filori benim cânibimden Hasan b. Abdullah el-berber fuzûlî beş filoriye ibrâ ve ıskāt etmişdir deyu ibrâya hüccet ibrâz ettikde mezbûr Yusuf hüccet inkâr ettikde mazmûnunda karye-i mezbûreden Cafer Ağa b. Abdullah ve Nasuh Bey b. Abdullah el-cündî ve Arab Mübarek ve Aziz hüccetin mazmûnuna edâ-yı şehâdet-i şer‘iyye ettikleri ba‘de’t-tezkiye hayyiz-i kabûlde vâki‘ olup mâ vaka‘a bi’t-taleb kayd olundu. Tahrîren fi’l-yevmi’s-sâmin min şehr-i Rebî‘ülâhir sene 967 Şühûdü’l-hâl: Hüdâverdi b. Abdullah, Hamza b. Abdullah el-hammâmî, Mehmed Çelebi b. Abdullah, Mehmed b. Mustafa el-muhzır, Mehmed b. İskender ve gayruhüm mine’l-hâzırîn.