Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 124 Hüküm no: 189 Orijinal metin no: [22b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Yani’nin yetimlerinin vasisi Çolak Hasan b. Abdullah’ın Vega v. Kosta’dan Yani’den aldığı borcunu ödemesi talebi Vech-i tahrîr-i hurûf oldur ki Kuruçeşme nâm karyede Yani müteveffânın eytâm-ı sigārına kıbel-i şer‘den vasî nasb olunan Çolak Hasan b. Abdullah karye-i mezbûrede sâkin Vega v. Kosta nâm zimmî mahfil-i şer‘a ihzâr ve mahzarında takrîr-i da‘vâ kılıp mezkûr Yani hâl-i sıhhatinde iken işbu Vega’ya üç yüz altmış akçe verip geri hâl-i sıhhatinde iken meblağ-ı merkūmdan üç yüz akçesin alıp kabûl-i kabz edip altmış akçesi mezbûr Vega’nın zimmetinde bâkîdir hâliyâ müteveffâ-yı mezkûrun eytâm-ı sigārı için taleb ederim deyicek gıbbe’s-suâl mezbûr Vega ikrâr ile cevâb verip altmış akçeyi bana mezkûr Yani hibe etmişdir deyicek mezbûr Vega’ya hibe ettiğine şâhid taleb olunup şâhidden âciz olup mâ vaka‘a mezbûr vasî talebiyle sicile kayd olundu. Şühûdü’l-hâl: Ahmed b. Abdullah, Labid v. Yorgi, Melenos Reis v. Kaziyani, Kosta v. Yorgi, Yani v. Nikos, Yorgi v. İstemad ve gayruhüm. Yevmü’l-erbi‘â fî 19