Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 125 Hüküm no: 190 Orijinal metin no: [22b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasan b. Abdullah’ın Mihal v. Todora’nın elinde bulunan ferâcesini aldığı Oldur ki Beşiktaşı’nda Hasan b. Abdullah mahfil-i şer‘a hâzır olup Mihal v. Todora nâm zimmî mahzarında ikrâr ve takrîr-i merâm kılıp bundan akdem karındaşı Hüseyin nâm kimesne mezbûr Mihal odasında icâriyye ile sâkin iken iki kat bir yüzü mor çuka ve bir yüzü sûr mâ’î Londura ferâcemi alıp mezkûr odaya ilettikden sonra ferâcemi mezbûr Mihal alıp hıfz edip mezkûr karındaşım çıkıp sefere gitmiş hâliyâ işbu sâhibü’s-sicil mezbûr Mihal elinden ferâceyi aldım deyicek mukırr-ı mezbûrun ikrârını ve kabûl-i meşrûhunu mezbûr Mihal vicâhen kabûl ve tasdîk edip mâ vaka‘a bi’t-taleb sicile kayd olundu. Şühûdü’l-hâl: Mehmed b. Mustafa el-muhzır, muharrirü’l-hurûf Musa.