Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 127 Hüküm no: 196 Orijinal metin no: [23b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Yani’nin yetimlerinin vasisi Çolak Hasan b. Abdullah’ın Yani v. Yorgi’den Yani’den aldığı borcunu ödemesi talebi Vech-i tahrîr-i sicil oldur ki Kuruçeşme nâm karyede Yani nâm zimmînin eytâm-ı sigārına kıbel-i şer‘den vasî nasb olunan Çolak Hasan Bey b. Abdullah karye-i mezbûrede sâkin Yani v. Yorgi nâm zimmîyi mahfil-i şer‘a ihzâr ve mahzarında takrîr-i da‘vâ kılıp müteveffâ-yı mezbûr hâl-i sıhhatinde iken işbu müşârun-ileyh Yani’ye sermâye için on dört el-veznü’t-tâm filori verip el-an zimmetinde lâzımü’l-edâ deynidir hâliyâ müteveffâ-yı mezbûrun eytâm-ı sigār için vesâyeten taleb ederim deyicek gıbbe’s-suâl mezbûr Yani inkâr ile cevâb verdikde müdde‘â-yı mezbûrun da‘vâsına beyyine taleb olundukda Beşiktaşı’ndan Berber Hasan b. Abdullah ve Mehmed b. Hızır nâm kimesneler mahfil-i şer‘a hâzırân olup mezbûr Yani mahzarında edâ-i şehâdet edip müteveffâ-yı mezkûr hâl-i sıhhatinde iken işbu müşârun-ileyh Yani’ye on dört el-veznü’t-tâm filori sermâye için verip el-an zimmetinde lâzımü’l-edâ deyn idiğine şâhidleriz şehâdet dahi ederiz dediklerinde mezbûr Yani sebeb-i harcım vardır deyicek üç gün mehil verip mezbûr talebiyle sicile kayd olundu. Şühûdü’l-hâl: Abdi Çelebi b. Ali, Cafer b. Abdullah, Mehmed b. Mustafa el-muhzır, Kosta veled, Mihal veled.