Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 146 Hüküm no: 242 Orijinal metin no: [29b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Berber Mustafa b. Abdullah’ın cerîme parasını yatırarak kendisini hapisten kurtaran Berber İbrahim’e bir yıl hizmet etmeye söz verdiği Vech-i tahrîr-i sicil oldur ki Mustafa b. Abdullah nâm berber meclis-i şer‘de ikrâr-ı şer‘î ve i‘tirâf edip bundan evvel ustam Frankol’un berber esbâbın serika etdikde hâliyâ Beşiktaşı’nda subaşı olan İbrahim beni tutup habs etmişdi hâliyâ işbu bâ‘isü hâze’s-sicil Berber İbrahim subaşıya cerîmem verdikde ben dahi târih-i sicilden sene tamâmına varınca nefsimi icâreye verdim benim libâsım nafakam mezbûr İbrahim uhdesinde olmak üzere dedikde mukırr-ı mezbûrun ikrâr ve kavl-i meşrûhunu mezbûr İbrahim vicâhen kabûl ve tasdîk edip mâ vaka‘a bi’t-taleb kayd olundu. Tahrîren fi’l-yevmi’s-sâmin min-Cemâziyelevvel sene 967. Şuhûd: Şuhûdu’l-mezbûre.