Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 145 Hüküm no: 241 Orijinal metin no: [29b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Berber Frankol’un aletlerini çalan kimselerin hapse atıldığı Kaziyye-i esbâb-ı Berber Frankol v. Papas an-karye-i Ligorya [Yeniköy] Vech-i tahrîr-i sicil oldur ki Ligorya nâm karyede Berber Mustafa nâm şâkird ve Nikola v. Mihal nâm eskici kâfir ile Berber Frankol’un berber âletini alıp gider iken Beşiktaşı’nda hâliyâ subaşı olan İbrahim yanında olan Yeniçeri Hasan mezbûrları meclis-i şer‘a ihzâr edip mezbûrlar an-tav‘in ikrâr edip habse verildikden sonra Frankol dahi gelip mezbûr berber esbâbı[nın Frankol’a âid olduğuna] karye-i mezbûreden İbrahim b. Nasûh ve Mehmed b. Abdullah nâm berber ve derzi nâm kimesne[ler] edâ-i şehâdet-i şer‘iyye etdikleri hayyiz-i kabûlde vâki‘ olup ma vaka‘a bi’t-taleb kayd olundu. Tahrîren fi’l-yevmi’s-sâmin min-Cemâziyelevvel sene 967. Şuhûd: İsmail Çelebi b. Hayreddin, Mehmed b. Ali, Mehmed b. Mustafa el-muhzır, İbrahim b. Hayreddin, Yunus b. Abdullah râcil, Ali Bâli b. Mustafa ve gayruhüm mine’l-hâzırîn.