Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 153 Hüküm no: 258 Orijinal metin no: [32a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zanbiya bt. Küçük Andreya’nın miras hususunda anne ve kardeşlerinin zimmetlerini ibrâ ettiği Vech-i tahrîr-i sicil oldur ki Zanbiya bt. Andreya-i Kûçek nâm zimmiyye mahfil-i şer‘a gelip anası Markolna bt. Andon ve li-eb ve üm sagīre kız karındaşlar Aleksandra ve Zevi nâm yetîmelere kıbel-i şer‘den vasî nasb olunan Todora b. Yorgi nâm zimmî mahzarında ikrâr ve i‘tirâf-ı mer‘î kılıp dedi ki babam Andreya’dan bana intikāl eden hisse-i şer‘îm için işbu bâ‘isü hâze’s-sicil Markolna ve Todora nâm kimesneler elinden iki tâne el-veznü[‘t-]tâm filori alıp kabûl [ve] kabz etdim elân makbûzumdur bâkī hukukumdan mezbûrların zimmetini ibrâ ve ıskāt etdim min ba‘d irse müte‘allik da‘vâm ve nizâ‘ım yokdur dedikde mukırre-i mezbûrenin ikrârı ve kavl-i meşrûhunu mezbûrlar vicâhen kabûl ve tasdîk edip mâ vaka‘a bi’t-taleb sebt-i sicil olundu. Tahrîren fi’t-târihi’l-mezbûr. Şuhûd: Şuhûdü’l-mezbûre.