Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 165 Hüküm no: 291 Orijinal metin no: [35b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çoban Luka b. Nikola’nın Hasan Paşa Çiftliği’ndeki buğday tarlalarına koyunlarını salıp zarar vermediğine yemin etmekten kaçındığı Yevmü’l-hamîs, fî 6 Vech-i tahrîr-i sicil oldur ki Beşiktaşı’ndan fahrü’l-akrân Cafer Ağa b. Abdullah, Büyük Andreya b. Manol nâm nasrânî çobanı Luka b. Nikola nâm zimmî[yi] mahfil-i şer‘a ihzâr ve mahzarında takrîr-i da‘vâ edip kıdvetü’l-emâsil ve’l-emâcid Hasan Paşa b. Hayreddin Paşa’nın çiftliğinde olan iki buçuk müdlük alâf ve iki kîlelik buğday tarlalarını işbu çoban koyun koyup ziyâde ziyân etmişdir deyicek gıbbe’s-suâl mezbûr çoban inkâr ile cevâb vericek müdde‘î-i mezbûrun sıdk-ı da‘vâsına mutâbık beyyine taleb olundukda beyyineden âciz olup yemîn bi’l-İncîl etsin deyicek mezbûr çobana yemîn teklîf olundukda yemînden nükûl etdikde mâ vaka‘a bi’t-taleb kayd olundu. Şuhûd: İbrahim Subaşı b. Hayreddin, Hasan b. Abdullah er-râcil, Hüsam b. Nebî el-muhzır, Korucu Hamza b. Abdullah, Kubad Bey b. Kasım ve gayruhüm mine’l-hâzırîn.