Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 191 Hüküm no: 361 Orijinal metin no: [43b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Marola bt. Kosta’nın kardeşi Mehmed b. Abdullah için satın aldığı bağda kendisinin alâkasının olmadığını ikrâr ettiği Vech-i tahrîr-i sicil oldur ki Kuruçeşme nâm karyede sâkine Marola bt. Kosta nâm zimmiyye mahfil-i şer‘a hâzıra olup li-eb ve üm er karındaşı Mehmed b. Abdullah mahzarında ikrâr ve i‘tirâf edip karye-i mezbûrede ma‘lûmü’l-hudûd olan bâğı Nikola b. Yorgi ve Tanas ve Dimitri ibney Pavli nâm zimmîlerden mezbûr bâğı üç yüz akçeye işbu müşârun-ileyh Mehmed nâm karındaşıma ben alıverdim min ba‘d bâğda da‘vâm ve nizâ‘ım yokdur dediği mezbûr Mehmed talebiyle kayd olundu. Şuhûd: Hamza b. Mustafa, Hüsam b. Nebî el-muhzır, Yani b. Petro ve gayruhüm mine’l-hâzırîn.