Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 201 Hüküm no: 382 Orijinal metin no: [47b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Andreya b. Manol’un kefaletinden dolayı Dimitri b. Toma’dan iki bin akçe alacağı olduğu Yevmü’s-sebt, fî 9 Vech-i tahrîr-i hurûf oldur ki Beşiktaşı nâm kasabadan Andreya b. Manol nâm Nasrânî mahfil-i şer‘a Kadıköy nâm karyeden Dimitri b. Toma nâm Nasrânî[yi] ihzâr ve mahzarında takrîr-i da‘vâ bundan akdem Mihal nâm Nasrânî zimmetinde karzdan bin akçe hakkım taleb etdiğimde işbu müşârun-ileyh Dimitri kefîl bi’l-mâl olmuşdu sonra mezkûr Mihal mürd olup muhallefâtından nesnesi kalmadığı ecilden hâliyâ bu kimesneden kefîl olduğu için taleb ederim dedikde gıbbe’s-suâl mezbûr Dimitri vicâhen an-tav‘in ikrâr ile cevâb verip meblağ-ı mezkûrun edâsın bi’t-tav‘ râzı olduğu sebebiyle mezbûr Andreya talebiyle kayd-ı sicil olundu. Şuhûd: Mehmed b. Mustafa el-muhzır, Yani b. Kosta, Yorgi b. Todora, Mahmud b. Abdullah ve gayruhüm mine’l-hâzırîn.