Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 203 Hüküm no: 386 Orijinal metin no: [48a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yorgi b. Manol’un Dimo b. Marko’ya borcu olmadığına yemin ettiği Yevmü’l-ehad, fî 10 Vech-i tahrîr-i sicil oldur ki Dimo b. Marko nâm Nasrânî Yorgi b. Manol nâm Nasrânî[yi] mahfil-i şer‘a ihzâr ve mahzarında takrîr-i da‘vâ edip bundan akdem karz-ı hasen iki sikke filori verdim hâliyâ hakkım taleb ederim dedikde gıbbe’s-suâl mezbûr Yorgi inkâr ile cevâb verip mezbûr Dimo’dan da‘vâsına mutâbık beyyine taleb olundukda beyyineden âciz olup mezbûr Yorgi’ye İncîl’e yemîn verilip fasl-ı husûmet ve kat‘-ı nizâ‘ olduğu mezbûr Yorgi talebiyle kayd olundu. Şuhûd: Habib Halîfe b. Ali sofu, Mehmed b. Mustafa el-muhzır, Hüsam b. ( ) el-muhzır ve gayruhüm mine’l-hâzırîn.