Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 206 Hüküm no: 395 Orijinal metin no: [49a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kosta b. Nikola ve Kosta b. Luka’nın ortak oldukları bağ hisselerini Yani b. Mihal’e satıp bedelini talep ettikleri Yevmü’s-sülâsâ, fî 19 Vech-i tahrîr-i sicil oldur ki Ortaköy’den Kosta b. Nikola ve Kosta b. Luka zimmîler Yani b. Mihal[‘i] mahfil-i şer‘a ihzâr, üzerine takrîr-i da‘vâ bundan akdem üçümüz müşterek bâğda iken ikimizin hissesini iki yüz akçeye üzerine almışdır hâliyâ hakkımız taleb olunur dedikde gıbbe’s-suâl mezbûr Yani müşterek olduğun ikrâr bâkī[yi] inkâr edip mezbûrlardan beyyine taleb olundukda beyyinemiz gelince[ye] bize kefîl versin dedikde kefîli yokdur fe-ammâ gayb edersem cümle hissem ne vâki‘ olursa işbu mezbûrların olunur deyu cevâb etdiği mezbûrlar talebiyle kayd olundu. Tahrîren fi’t-târihi’l-mezbûr sene 967. Şuhûd: Ferruh b. Abdullah, Mehmed b. Mustafa el-muhzır.