Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 206 Hüküm no: 396 Orijinal metin no: [49a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sinan Paşa Vakfı’na ait değirmenin kiracısı Manol’un vakfa borcunu ikrâr ettiği Vech-i tahrîr-i sicil oldur ki Merhûm Sinan Paşa Evkāfı’na bi’l-fi‘il câbî olan Nebî b. Hızır ve Câbî Hamza b. Abdullah nâm kimesneler Değirmenci Manol nâm zimmî[yi] mahfil-i şer‘a ihzâr ve üzerine takrîr-i da‘vâ, bundan akdem merhûmun değirmenlerinden bir değirmene bir taş sekiz yüz altmış akçeye kavl edip beş tâne filori mukaddem verilip bâkīsin tamâm oldukda verecek olduk idi ol zamandan beri on aydır gāibdir mezbûr tamâm etmedi hâliyâ verdiğimiz altunı taleb ederiz dedikde gıbbe’s-suâl mezbûr Değirmenci Manol an-tav‘in ikrâr ile cevâb verip mâ vaka‘a mezbûrlar talebiyle kayd olundu. Şuhûd: Ferruh b. Abdullah, Hürrem b. Abdullah, Mîr Behram Sofu b. Abdullah, Mehmed [b.] Mustafa el-muhzır ve gayruhüm.