Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 214 Hüküm no: 416 Orijinal metin no: [52a-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa Çelebi b. Şîrmerd’in bey‘ bi’l-istiğlâl yoluyla Hüsam Bey Evkafı’ndan ödünç aldığı Mustafa Çelebi b. Şîrmerd işbu akdin kendisinden sudûruna kadar mâliki olduğu ve taht-ı tasarrufunda bulundurduğu, havâss-ı Kostantıniyye-i mahmiyyeye tâbi‘ Beşiktaş kasabasında kâin, tahtânî ve fevkānî birer hâneyi, su kuyusunu, kenîfi, muhavvatayı, bahçeyi hâvî, bir tarafından mefharü’l-müderrisîn Ali Çelebi Efendi mülkü, bir tarafından bâyi‘-i mezbûr mülkü, bir tarafından Şemâyil bt. Abdullah mülkü, bir tarafından tarîk-ı âm ile mahdûd bulunan menzilini cümle tevâbi‘i ve levâhıkıyla râyicü’l-vakt üç bin akçe semen-i mu‘ayyen-i makbûzla kıdvetü’l-emâcid ve’l-ekârim Hüsam Bey Evkāfı mütevellîsi kāim-i makāmı hâmil-i hâze’l-kitâb Ahmed b. Abdullah’a bey‘ ettiğini ikrâr ve i‘tirâf eyledi. O dahî vakf-ı mezbûr malıyla ve istiğlâl maksadıyla menzili iştirâ eyledi. Mütevellî-yi mezbûr menzil-i merkūmu târih-i kitâbdan on altı ay tamâmına râyicü’l-vakt dört yüz akçe ücret-i kirâ ile bâyi‘-i mezkûra icâreye verdi. Mehmed Çelebi ve Ahmed Çelebi ibney mezbûr Mustafa Çelebi icâb ve kabûlü hâvî kefâletle menzil-i mezbûrun derkine ve ücret-i kirâya kefîl oldu. Vâki‘ ikrâr müşterî-yi mezbûr tarafından bi’l-müvâcehe tasdîk edildi. Cerâ zâlike ve hurrire fî gurreti Ramazâni’l-mübârek li-sene seb‘a ve sittîn ve tis‘a mi’e Şuhûdü’l-hâl: Şuhûdü’l-mezbûre Yevmü’l-isneyn fî 2