Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 237 Hüküm no: 473 Orijinal metin no: [60a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sipahi Mehmed Bey’in Todora b. Yorgi’den alacağı olan iki yüz seksen akçeyi kefillerinden tahsil ettiği Vech-i tahrîr-i sicil oldur ki Beşiktaşı’ndan Mehmed Bey nâm sipâhî Todora b. Yorgi nâm zimmî[yi] mahfil-i şer‘a ihzâr ve üzerine takrîr-i da‘vâ bundan akdem Yorgi nâm bostâncı sene tamâmına varınca altı yüz elli akçe[ye] nefsini icâreye alıp mezkûrun nefsine ve gaybet ederse meblağ-ı mezbûra Seyyid Pîrî nâm levend kefîl olup mezkûr Seyyid Pîrî’nin nefsine ve mâlına mezbûr Todora dahi kefîl olup mezkûr Yorgi’ye beş yüz elli akçe peşîn verdim idi beş ay bana hizmet etdikden sonra gaybet edicek beş aylık iki yüz yetmiş akçe hissesin alıp bâkī iki yüz seksen akçeyi mezbûr kefîl Todora elinden bî-kusûr alıp kabûl [ve] kabz etdim ba‘de’l-yevm da‘vâm ve nizâ‘ım yokdur dedikde mukırr-ı mezbûrun ikrârı ve kavl-i meşrûhu mezbûr Todora talebiyle kayd olundu. Tahrîren fî evâhiri Şevvâl sene 967. Şuhûd: Ferruh b. Abdullah, Mehmed b. Mustafa el-muhzır.