Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 238 Hüküm no: 474 Orijinal metin no: [60a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Atnas b. Pavli, Dode b. Diçko ve Nikola b. Yani’nin Mendal b. Gora’nın Akıntıburnu köyünden bazı zimmilere verdiği borca kefil olduklarını ikrâr ettikleri Yevmü’l-ehad, fî 26 Vech-i tahrîr-i sicil oldur ki Ortaköy’den Mendal b. Gora Akındı[burnu] nâm karyeden Atnas b. Pavli ve Dode b. Diçko ve Nikola b. Yani nâm zimmîleri mahfil-i şer‘a ihzâr edip bundan akdem karye-i mezbûre keferesine karz-ı hasen beş yüz otuz sikke filori verip işbu mezbûrlar meblağ-ı merkūma kefîl bi’l-mâl olmuşlardı meblağ-ı mezkûrdan üç yüz on filorisini aldım bâkī iki yüz yirmi filori kaldı hâliyâ mezbûrlar kefîllerden taleb ederim deyicek gıbbe’s-suâl mezbûrlar bi esrihim an-tav‘in kefâlet-i mezbûreyi ikrâr ile cevâb verdikleri bi’t-taleb kayd olundu. Şuhûd: Ferruh b. Abdullah, Mehmed b. Hüseyin er-râcil, Mustafa b. Abdullah, Mehmed b. Abdullah er-râcil, Kosta Kethüdâ b. Yorgi, Aleksi b. Kosta, Dimitri b. İlya, Luka b. Kosta ve gayruhüm mine’l-hâzırîn.