Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 239 Hüküm no: 477 Orijinal metin no: [60b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ferahşad bt. Abdullah’ın mehir ve nafaka hususunda eski kocası Topçu Mehmed Çelebi b. Pîrî’nin zimmetini ibrâ ettiği Kaziyye-i Ferahşad Hatun Vech-i tahrîr-i sicil oldur ki Ferahşad bt. Abdullah mahfil-i şer‘-i şerîfe hâzıra olup sâbıkā zevci olan Topçu Mehmed Çelebi b. Pîrî nâm [kimesne] mahzarında ikrâr-ı şer‘î ve i‘tirâf-ı mer‘î kılıp dedi ki iki yüz akçe kâbinimden yüz akçe iddet-i nafakamdan ve sagīre kızı Âmine’nin târih-i sicille gelince dokuz aylık nafakası yevmî birer akçe hesâb üzere iki yüz yetmiş akçe olup cem‘an beş yüz yetmiş akçe olur meblağ-ı mezkûrdan sâbıkā üç yüz elli akçesin alıp kabz etmiş idim hâliyâ bâkī olan iki yüz yirmi akçeyi dahi mezbûr Mehmed Çelebi elinden alıp kabûl [ve] kabz etdikden sonra zimmetini cemî‘-i de‘âvîden ibrâ ve ıskāt etdim ba‘de’l-yevm da‘vâm ve nizâ‘ım yokdur dediği mezbûr Mehmed Çelebi talebiyle kayd olundu. Fi’t-târihi’l-mezbûr. Şuhûd: İlyas b. Abdullah topçu, Cafer b. Mehmed el-mu‘allim, Hasan b. Abdullah, Ferruh b. Abdullah, Mehmed b. Mustafa el-muhzır ve gayruhüm.