Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 239 Hüküm no: 478 Orijinal metin no: [61a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Komyones b. Marko’nun Yani b. Yorgi’de olan alacağına Andreya b. Manol’un kefil olduğu Vech-i tahrîr-i sicil oldur ki Ortaköy nâm karyeden Komyones b. Marko Beşiktaş’dan Andreya b. Manol ve Akındıburnu nâm karyeden Yani b. Yorgi nâm zimmîleri mahfil-i şer‘a ihzâr ve mahzar[lar]ında takrîr-i da‘vâ edip işbu Yani zimmetinde iki bin sekiz yüz kırk akçeye târih-i sicilden Pazar gününe dek mezbûr Yani vermeyecek olursa işbu Andreya meblağ-ı mezkûra kefîl bi’l-mâl oldu deyicek mukırr-ı mezbûrun ikrâr ve kavl-i meşrûhunu mezbûr Yani ve Andreya vicâhen kabûl ve tasdîk edip mâ vaka‘a bi’t-taleb kayd olundu. Tahrîren fi’l-yevmi’s-sâmin ve’l-ışrîn min şehri Şevvâl sene 967. Şuhûd: Behram Bey sipâhî, Hasan Bey sipâhî, Mehmed b. Mustafa el-muhzır, Sadi b. Yusuf subaşı, Ferruh b. Abdullah, Kulfal [b.] Hasan ve gayruhüm.