|
Anadolu Sadâreti Mahkemesi 2 Numaralı Sicil (H. 1251-1257/ M. 1835-1841) cilt: 94, sayfa: 133 Hüküm no: 99 Orijinal metin no: [21b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.
Vefat eden Sultaniye Bekçisi İsmail Ağa’nın varisleri arasında taksim olunan terekesinin listesi
Medîne-i Üsküdar-ı meymenet-âsâra muzâfe Yoros nâhiyesine tâbi‘ İncir karyesinde sâkin iken bundan akdem vefât eden Sultaniye Bekçisi İsmail Ağa b. Mahmud b. Eyüb’ün verâseti zevce-i menkûha-i metrûkesi Şerife Feride Hanım bt. es-Seyyid Mustafa ile sulbiye sagīre kızı Şerife Zahide ve sulbî sagīr oğlu es-Seyyid Mahmud’a münhasıra olduğu şer‘an zâhir ve mütehakkık oldukdan sonra sagīrân-ı mezbûrânın vâlideleri ve tesviye-i emirlerine bâ-hüccet vasiyy-i mansûbeleri zevce-i mezbûre Şerife Feride Hanım’ın üvey pederi ve tarafından vekâlet-i âmme-i mutlaka-i sahîha-i şer‘iyye ile vekîl-i müsecceli Anadolu eşrâf-ı kuzâtından es-Seyyid Mehmed Nazif Efendi b. Hasan Reşid taleb ve ma‘rifetleriyle tahrîr ü bey‘ ve takvîm ü taksîm olunan tereke-i müteveffâ-yı mezbûrdur ki ber-vech-i âtî zikr olunur.
Fî 29 Z sene [1]255.
Müsta‘mel çuka nîmten 1 aded, pantolon 1 aded 44,5 guruş Gezi kaplı cübbe, köhne nâfe kürk 1 aded 66 guruş Köhne mavi çuka nîmten 1 aded, gezi anteri 1 aded 20 guruş Fes 1 aded, boğça 1 aded 13 guruş Müsta‘mel beyaz çâr şal 1 aded 240 guruş Mâî çâr şal 450 guruş Mâi gezi kaplı cübbe nâfe kürk 1 aded 405 guruş Şal duhân kîsesi 1 aded 74 guruş Aba kukuleta 1 aded 129 guruş Köhne güvez mağrib şalı 1 aded 16 guruş Neftî çuka şalvar 1 aded, anteri 1 aded, nîmten 1 aded, aba 1 aded 70 guruş Cild kafa köhne kürk 1 aded 70 guruş Nîmten aba kaplı kürk 1 aded 90 guruş Don 2 aded, gömlek 2 aded, uçkur 2 aded, çevre 1 aded 50 guruş Şâlî ve basma anteri 2 aded 60 guruş Köhne fes 4 aded, yelek 1 aded 10 guruş Çuka dolama 1 aded 60 guruş Şâlî çakşır 2 aded 70 guruş Çuka çakşır 2 aded 60 guruş Nohûdî gezi haftân 2 aded 50 guruş Mâi çuka cübbe 1 aded 69 guruş Mâî şâlî kukuleta 1 aded 22 guruş Sarı şâlî haftân 1 aded 50 guruş Müsta‘mel şâlî anteri 1 aded 41 guruş Müsta‘mel çiçekli anteri 1 aded 110 guruş Atlas anteri 1 aded 41 guruş Sîmlice pala 1 aded 445 guruş Filinta tüfenk 1 aded 81 guruş Hilâlî sâ‘at 1 aded 304 guruş Şişhâne tüfenk 1 aded 180 guruş Sâde kama 1 aded 25 guruş Çifteli pişto 1 çift 250 guruş Kara kabzalı kılıç 1 aded, kama 1 aded 70 guruş Baba bıçağı 13 guruş Kehribar imâme 2 aded, çubuk 1 aded 46 guruş Def‘a kehribar imâmeli çubuk 1 aded 69 guruş Nühâs mangal 1 aded 150 guruş Kaliçe seccâde 1 aded 100 guruş Güğüm 2 aded, sagīr mangal 1 aded 150 guruş Bir mikdâr evâ[n-ı] nühâsiye 264,5 guruş 5 para Def‘a bir mikdâr evân-ı nühâsiye 374 guruş 10 para Yıldızlıca sîm kama 1 aded 181 guruş Sarı taşlı piştov 1 çift 151 guruş Cezve 2 aded, fincan bâ-zarf 12 aded 15 guruş Çuka minder 1 aded, yasdık 1 aded 20 guruş Karavana 3 aded, yumurta tâbesi 1 aded, sahan ma‘a kapak 5 aded, leğen 1 aded, sini 1 aded 200 guruş Yorgan bâ-çârşeb 2 aded, baş yasdığı 10 aded 60 guruş Köhne aba 1 aded 46 guruş Köhne yasdık 8 aded mak‘ad 1 aded, minder 3 aded 101 guruş Minder 3 aded, Kıbrıs yasdığı 10 aded, çuka mak‘ad 1 aded, şilte 2 aded, pûşîde 5 aded 400 guruş Çit döşek 1 aded, şilte 1 aded 60 guruş Geçme 1 aded 7 guruş Bir mikdâr mismâr hırdavatı 24 guruş Balıkçı çizmesi 16 çift 500 guruş Def‘a çizme 1 çift 15 guruş Minder 30 parça, köhne çatma yasdık 12 aded, köhne mak‘ad 2 aded 250 guruş Alamana ta‘bîr olunur kayık 2 aded, iki kanadlı Ağı 2 aded 2650 guruş Eski iğrib kayığı 1 aded, salapurya 1 aded, yakalı iğrib 2 aded, yakasız iğrib 1 aded, taş ve kolan ve düğüm 6 aded 14.300 guruş Yeni iğrib kayığı, salapurya 1 aded, yakalı iğrib 2 aded, yakasız iğrib 1 aded, taşa ve kolan ve düğüm 6 aded 15.250 guruş Uzatma ağları 2 aded 200 guruş Pisi ağları 12 aded 275 guruş Kılıç ağları 5 aded 135 guruş Zarkonoz ağları 2 aded 400 guruş Bir mikdâr ıhlamur ve mantar 450 guruş Bir mikdâr köhne ağ 60 guruş Boya rendesi 1 aded 10 guruş Bir kıt‘a çırnikden hissesi 30,5 guruş Alkarina demir hissesi 25 guruş
# Yekûn:
Guruş 41505, 5 mine’l-eşyâ 3500 karye-i mezbûrede kâin bir bâb mülk menzil müteveffâ-yı mezbûrun ile’l-vefât yedinde malı ve mülkü olmağla ber-vech-i tahmîn kıymeti 3000 karye-i mezbûrede bir bâb mülk kayıkhâne ve fevkinde künk ve ittisâlinde berber dükkânı müteveffâ-yı mezbûrun ile’l-vefât yedinde malı ve mülkü olmağla ber-vech-i tahmîn kıymeti 500 karye-i mezbûrede bir kıt‘a mülk bahçe müteveffâ-yı mezbûrun ile’l-vefât yedinde malı ve mülkü olmağla ber-vech-i tahmîn kıymeti
Minhe’l-ihrâcât:
Techîz ve tekfîn 300 guruş Deyn-i müsbet-i devletlü İsmet Beyefendi 2500 guruş Deyn-i müsbet-i Rukiye Hatun 750 guruş Deyn-i müsbet-i Molla İsmail 205 guruş Deyn-i müsbet-i Hasan Baba mütevellî-i vakf-ı avârız, an-mâl-ı vakf-ı mezbûr 1000 guruş Deyn-i müsbet-i Vasî Mustafa an-mâl-ı sagīr Ali der-karye-i mezbûr 150 guruş Deyn-i müsbet-i mütevellî-i mezbûr Hasan Baba an-mâl-ı vakf-ı mevlidü’n-nebî aleyhi’s-selâm der-karye-i mezbûre 500 guruş Deyn-i müsbet-i Zenciye Âişe Kadın 600 guruş [22a] Deyn-i müsbet-i el-Hâc Salih Ağa 800 guruş Deyn-i müsbet-i Hurşid Ağa 300 guruş Deyn-i müsbet-i İpçi Ali Bey 1172 guruş Deyn-i müsbet-i Hamâmî Ali Efendi 500 guruş Deyn-i müsbet-i İpekçi Ömer Ağa 470 guruş Mehr-i müeccel-i müsbet li’z-zevceti’l-mezbûre 1501 guruş Deyn-i müsbet-i Kalafatçı Ahmed Usta 187 guruş Deyn-i müsbet-i Ahmed Reis ve İstepan zimmî 200 guruş Deyn-i müsbet-i Ağcı Laz Ahmed Ağa bâ-temessük 2419 guruş Deyn-i müsbet-i Basmacı Besim Yahûdi 443 guruş Deyn-i müsbet-i Sarrâf Hatem Yahûdi 6000 guruş Deyn-i müsbet-i Kasab Yani 1000 guruş Deyn-i müsbet-i ekmekçi Tarandafil 400 guruş Deyn-i müsbet-i Çizmeci Sekyaz 1162 guruş Deyn-i müsbet Bakkāl Yani 1500 guruş Deyn-i müsbet-i Duhânî Hüdaver 260 guruş Dellâliye-i eşyâ ve kayık 83 guruş Nakliye-i kayık ve iğrib ağları 83 guruş Yekûn 24.476,5 guruş
El-bâkī:
Guruş 17.031 guruş 15 para mine’l-eşyâ-i mebî‘a 00636 Resm-i âdî ve kaydiye 16395 guruş 15 para Sahhu’l-bâkī li’t-taksîm 3500 Kıymet-i menzil-i mezkûr 3000 Kıymet-i kayıkhâne ve sâir 500 Kıymet-i bahçe
Hissetü’z-zevceti’l-mezbûre 2049 guruş 50 akçe mine’l-eşyâ 437,5 guruş mine’l-menzil 375 guruş mine’l-kayıkhâne ve sâire 62,5 guruş mine’l-bahçe Hissetü’l-binti’l-mezbûre 4781,5 guruş 58 akçe, kezâlik 1020,5 guruş 40 akçe kezâlik 875 guruş kezâlik 145,5 guruş 40 akçe kezâlik Hissetü’l-ibni’l-mezbûr 9563,5 guruş 56 akçe kezâlik 2041,5 guruş 20 akçe kezâlik 1750 guruş kezâlik 291,5 guruş 20 akçe kezâlik
Zevce-i müvekkile-i mezbûre Şerife Feride Hanım’ın bâlâda muharrer hisse-i irsiyesi olan iki bin kırk dokuz guruş elli akçe ve bâlâ-yı ihrâcâtda muharrer mehr-i müeccel-i müsbet alacağı olan bin beş yüz bir guruş ki cem‘an üç bin beş yüz elli guruş elli akçeyi vekîl-i mezbûr es-Seyyid Mehmed Nazif Efendi bi’l-vekâle tamâmen ve kâmilen ahz u kabz etdikden sonra karye-i mezbûrede kâin bir bâb berber dükkânı derûnunda mevcûde beyne’l-esnâf gedik ta‘bîr olunur ber-mûceb-i defter-i müfredât vakıf âlât-ı lâzıme-i ma‘lûme ve bir bâb vakıf harâb attâr ve bir bâb vakıf harâb kahve dükkânları ile iki bâb vakıf iğrib odaları ve karye-i mezbûre civârında Paşabahçesi ve Kozaltı ve Karacaburnu nâm mahallerde kâin ve Veli Yerleri ta‘bîr olunur mahâllin sülüs hisse-i şâyi‘aları müteveffâ-yı mezbûrun ile’l-vefât bi’l-icâreteyn taht-ı tasarrufunda olup ba‘de vefâtihî sagīr-i mezbûrâna âdiyen ba‘de’l-edâ intikāl etmekle sagīrân-ı mezbûrân’ın vâlideleri ve vasîleri müvekkile-i mezbûre Şerife Feride Hanım bi’l-izni’ş-şer‘î ve bâ-ma‘rifet-i mütevellî ba‘de’l-müzâyede ve’l-keşf gedik-i mezkûru dört bin beş yüz guruş ve attâr dükkânı iki yüz on guruş ve kahveci dükkânı iki yüz yetmiş dört buçuk guruş ve oda-i mezkûrlar altı yüz altmış yedi guruş ve Veli mahalleri hisse-i şâyi‘aları bin beş yüz guruş ki cem‘an yedi bin yüz elli bir buçuk guruş mukābelesinde bi’l-vesâye âhara ferâğ ve tefvîz ve bedelleri olup sagīrân-ı mezbûrâna teberru‘ ve ibrâ-i zimmet olunan meblağ-ı merkūm yedi bin yüz elli bir buçuk guruş ve bâlâda muharrer hisse-i irsiyeleri olan cem‘an on dört bin üç yüz kırk beş buçuk guruş elli dört akçe ki min-haysü’l-mecmû‘ yirmi bir bin dört yüz doksan yedi guruş elli dört akçenin dört yüz elli iki buçuk guruş elli dört akçesini akār-ı mezkûrların izin hücceti ve intikāl harçlarına ve bi’d-defa‘ât ücret-i müstahfıziyesine vasiyy-i müvekkile-i mezbûrenin masrûfu olup mâ‘adâ yirmi bir bin kırk dört buçuk guruşun beş bin altı yüz elli bir buçuk guruşu bâ-hüccet ve bâ küfelâ vasiyy-i müvekkile-i mezbûre Şerife Feride Hanım’a idâne olunup bâkī on beş bin üç yüz doksan üç guruşun iki yüz yetmiş buçuk guruşunu vasiyy-i müvekkile-i mezbûre sagīrân-ı mezbûrânın bi’l-izni’ş-şer‘î nafaka-i mâziyelerine masrûfu olup ve iki yüz elli guruşu dahi sagīrân-ı mezbûrânın nafaka-i âtiyelerine mahsûben vekîl-i mezbûr es-Seyyid Mehmed Nazif Efendi zimmetinde ibkā olunmağla mâ‘adâ on dört bin sekiz yüz yetmiş iki buçuk guruşu vekîl-i mezbûr Mehmed Nazif Efendi ma‘rifeti ve ma‘rifet-i şer‘le bir beyaz tahta sandık derûnuna mevzû‘an ve memhûren Bezzâzistân-ı atîk’e emânet vaz‘ olunduğu bu mahalle şerh olundu.
|