Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 286 Hüküm no: 594 Orijinal metin no: [78a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Müslüman olan Yorgi’ye Mehmed, karısı Poşa’ya Sultan isminin verilip nikâhlarının yenilendiği Yevmü’s-sebt, fî 15 Vech-i tahrîr-i sicil oldur ki Yorgi v. Andon hâliyâ zevcesi olan Poşa bt. Yorgi nâm zimmiyye ile meclis-i şer‘a hâzırân olduklarında mezbûre Poşa mezbûr zevci Yorgi’den şekvâ edip hüsn-i ihtiyârı ile Müslüman oldukda mezbûr Yorgi dahi İslâm’a da‘vet olundukda hüsn-i ihtiyârı ile İslâm olup mezbûrenin ismini Sultân verip mezbûr Yorgi’nin ismini Mehmed verip mezbûreyi mezbûr Mehmed’e rızâları ile beş yüz akçe mehr-i müsemmâsı ile tekrâr tecdîd-i akd-i nikâh olunduğu bi’t-taleb kayd olundu. Tahrîren fî evâsıtı Muharremi’l-harâm sene 968. Şuhûd: Mehmed Usta, Mevlânâ Sinan Halîfe, Cafer Halîfe b. Mehmed el-mu‘allim, Kasım Bey sipâhî, Ahmed b. Abdullah, Ramazan b. Mahmud, Haydar b. Abdullah, Mehmed b. Mustafa el-muhzır ve gayruhüm mine’l-hâzırîn.