Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 289 Hüküm no: 600 Orijinal metin no: [79a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yusuf b. Abdullah’ın Ermeni Marat b. Cani’nin kendisine küfrettiğini şahitlerle ispat ettiği Yevmü’s-sülâsâ, fî 18 Vech-i tahrîr-i sicil oldu ki Beşiktaş’dan Yusuf b. Abdullah, Marat b. Cani nâm Ermeni kâfiri mahfil-i şer‘-i şerîfe ihzâr etdikde üzerine takrîr-i da‘vâ edip ahşam vakit gider iken yolumda mezbûr kâfir benim sakalına yestehliyeyin deyü şetm etdi hakkımdır taleb ederim dedikde gıbbe’s-suâl mezbûr kâfir inkâr ile cevâb verip da‘vâsına mutâbık beyyine taleb olundukda Mahmud b. Abdullah yaşmakçı ve İlyas b. Abdullah edâ-i şehâdet-i şer‘iyye edip işbu Murad kâfir işbu Yusuf’a sakalına yestehliyeyin deyu şetm etdiğine şâhidleriz şehâdet dahi ederiz dediklerinde mezbûrânın şehâdetleri ba‘de’t-tezkiyyeti’l-âdile hayyiz-i kabûlde vâki‘ olup mâ vaka‘a mezbûr Yusuf talebiyle kayd olundu. Tahrîren fî evâsıtı Muharremi’l-harâm sene 968. Şuhûd: Ramazan b. Mahmud, Ferruh b. Abdullah, Hüseyin b. Abdullah el-bâzarî, Mehmed b. Mustafa el-muhzır ve gayruhüm.