Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 48 Hüküm no: 4 Orijinal metin no: [2a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Nikola v. Yani’nin kendisini darp ettiği iddiasıyla Ahmed’e açtığı davayı ispat edemediği Mahmiye-i Galata’ya tâbi‘ kasaba-i Beşiktaş mahallâtından Sinanpaşa mahallesi sâkinlerinden işbu râfi‘ü’s-sifr Nikola v. Yani nâm zimmî meclis-i şer‘-i hatîr-i lâzımü’t-tevkīrde Ahmed nâm kimesne muvâcehesinde üzerine da‘vâ ve takrîr-i kelâm edüp târih-i kitâb günü bi-gayr-ı vech-i şer‘î beni yıkıp ve yumruk ile darb eylediğinden mâ‘adâ sakalım dahi yolmuşdur vâki‘ hâl mezbûr Ahmed’den suâl icrâ-yı şer‘ olunması matlûbumdur dedikde gıbbe’s-suâl ve akībe’l-inkâr müdde‘î-i mezbûr Nikola’dan da‘vâsına mutâbık beyyine taleb olundukda ityân-ı beyyineden ızhâr-ı acz eyledikde mezbûr Ahmed’e yemîn teklîf olundukda yemînden nükûl etmeğin mâ-hüve’l-vâkı‘ bi’t-taleb ketb olundu. Fi’l-yevmi’r-râbi‘ ve’l-ışrîn min-Zilka‘deti’ş-şerîfe li-sene ihdâ ve sittîn ve elf. Şühûdü’l-hâl: Ahmed Efendi el-Kâtib, Mehmed Efendi el-Müderris. Nasûh Çelebi b. Musa, Yusuf Çelebi [b.] Abdullah, Ali Bey Subaşı, Ali b. Nasûh.