Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 52 Hüküm no: 10 Orijinal metin no: [3b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Kara Mustafa b. Himmet’in vârislerinden Kara Ali’nin, muhallefat hissesi olarak diğer varislere yüz on kuruş verdiği Mahmiye-i Galata muzâfâtından kasaba-i Beşiktaş’da vâki‘ merhûm Sinan Paşa-yı Cedîd mahallesinde sâkin iken fevt olan Kara Mustafa b. Himmet nâm kimesnenin verâseti zevce-i metrûkesi Pervâne nâm hatuna ve li-ebeveyn karındaşları Kara Ali ve Şaban ve li-ebeveyn kız karındaşı Cennet nâm hatuna münhasıra idüği şer‘an mütehakkık ve zâhir oldukdan sonra müteveffâ-yı merkūmun muhallefâtına vâzı‘ü’l-yed olan merkūm Kara Ali mahfil-i kazâda mezbûr Şaban ve mersûme Cennet’in dahi vekîl-i şer‘îsi zevci Hasan b. Hacı nâm kimesneler muvâcehelerinde takrîr-i kelâm ve ta‘bîr ani’l-merâm edüp merkūm Kara Mustafa’nın muhallefâtından mersûm Şaban ile kız karındaşımız Cennet’e tehârüc-i şer‘î tarîki ile yüz on aded tâmmü’l-vezn riyâlî guruş def‘ u teslîm eyledim suâl olunsun dedikde gıbbe’s-suâl mezbûrân dahi cevâblarında fi’l-hakīka yüz on aded riyâlî guruşu ber-vech-i tehârüc mersûm Kara Ali yedinden ahz u kabz eyledik dediklerinde vechen mine’l-vücûh bir akçe ve bir habbe hakkımız bâkī kalmadı dediklerinde vâki‘ hâl bi’t-taleb ketb olunup men lehü’t-taleb yedine def‘ u teslîm olundu ki mahallinde ibrâz eyleyüp müzekkir-i mâ-cerâ ola. Hurrire fi’l-yevmi’s-sâlis min-Zilhicceti’ş-şerîfe sene 1061 Şühûdü’l-hâl: Abdülkerim Efendi el-İmâm, Bâli Bey b. Hasan, Ali Çelebi b. ( ), Kâtibü’l-hurûf ve gayruhüm