Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 68 Hüküm no: 32 Orijinal metin no: [10b-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hadice Hatun bt. Memi’nin kocası Ömer Bey ile anlaşarak boşandığı (muhâla‘a) Âti’l-beyân hul‘ ve ibrânın mahallinde tahrîri iltimâs olunmağın mahmiye-i Galata muzâfâtından kasaba-i Beşiktaş’da vâki‘ mahkeme-i şerîfede kâtib olan mevlânâ Ahmed Efendi irsâl olunduğunda, mezbûrun huzûrunda, kasaba-i mezkûre mahallâtından Kılıçalipaşa mahallesinde sâkine Hadice Hatun bt. Memi nâm hatun sâhib-i hâze’l-kitâb Ömer Bey b. Ali nâm zevci ile muhâla‘a etti. Zevc-i mezbûr dahi nikâhında ma‘kūdün-aleyh râyicü’l-vakt dört bin akçe mehr-i müecceli, ilm-i şer‘î ile beynlerinde ma‘lûme nafaka-i iddeti ve meûnet-i süknâsı mukābelesinde zevce-i mezbûresi ile hul‘ eyledi. Mezbûre Hadice Hatun bu sûretle akd-i cedîd ve mehr-i müste’nif olmadan zevc-i mezkûra helâl olmayacak şekilde bâyinen ayrılmış oldu. Sonra hukūk-ı zevciyyete müte‘allik cemî‘ de‘âvî, eymân, mutâlebât ve muhâsamâtdan her biri diğerinin zimmetini ibrâ-yı âmm-ı kātı‘an li’n-nizâ‘ ve râfi‘an li’l-husûmet ile ibrâ etti. Muhâla‘a-i mezbûre tamâm olduğunda mezbûr Ahmed Efendi nehc-i muharrer üzere haber verdiğinde mâ-vaka‘a bi’t-taleb ketb olundu. Cerâ zâlike ve hurrire fî-gurreti şehri Muharremi’l-harâm li-sene isneteyn ve sittîn ve elf. Şühûdü’l-hâl: Eşref Efendi b. Veli el-imâm, Mahmud Çelebi b. Mehmed bevvâb-ı sultânî, Bayram Ağa b. Abdülmennan, diğer Bayram Ağa b. Abdullah, Hüdâverdi b. Abdullah, Yahya Çelebi b. Perviz, Ahmed Çelebi b. Ca‘fer el-müezzin, Dilâver Bey b. Abdullah, Mustafa Çelebi b. Mehmed, Ali Çelebi b. Ahmed, Muslı Beşe b. Receb