Anadolu Sadâreti Mahkemesi 2 Numaralı Sicil (H. 1251-1257/ M. 1835-1841) cilt: 94, sayfa: 163 Hüküm no: 117 Orijinal metin no: [28b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Azir bt. Haçadur’un tahrir olunan terekesinin listesi Medîne-i Üsküdar-ı meymenet-âsâra muzâfe Kādı karyesinde mütemekkine iken bundan akdem hâlike olan Azir bt. Haçadur Nasrâniyenin verâseti zevc-i metrûku Haçadur v. Hazer zimmî ile anası Karyana bt. Mardıros Nasrâniye ve sadriye sagīre kızı Parise ve li-ebeveyn karındaşları Sarrâf ve Mardıros ve Artin zimmîler ve Takohi Nasrâniyeye münhasıra olduğu şer‘an zâhir ve nümâyân oldukdan sonra uht-i mersûme Takohi Nasrâniyenin zevci ve tarafından vekîl-i müsecceli Sarrâf Zakar v. Filibos zimmî ve sagīre-i mersûmenin babası ve velîsi zevc-i mersûm Haçadur zimmî ve ümm-i mersûme Karina Nasrâniye ve mersûmân Mardıros ve Artin zimmîler taleb ve ma‘rifetleriyle tahrîr ve bey‘ ü taksîm olunan tereke-i hâlike-i mersûmedir ki ber-vech-i âtî zikr olunur. Fî 11 B sene [1]255. Gülmez? anteri, şalvar 1 aded 150 guruş Canfes anteri 1 aded 96 guruş Gülmez anteri 1 aded 150 guruş Pabuç 2 çift, kundura 1 çift 40 guruş Harçlı yazma yemenî 1 aded 165 guruş Elma kürk 1 aded 272 guruş Siyah çuka ferâce 1 aded 249 guruş Havlu 3 aded, peştamâl 1 aded, boğça 1 aded 55,5 guruş Kılâbdan harçlı vaşak kürk 1 aded 350 guruş [29a] Kılâbdan harçlı pesend anteri 1 aded 130 guruş Lâciverd şal 1 aded 800 guruş Def‘a lâciverd şal 1 aded 1110 guruş Canfes şalvar 1 aded 111 guruş Ve kadife başbağı 1 aded 150 guruş Bürüncük 1 aded, Fes 1 aded 110 guruş Bürüncük 1 aded 200 guruş Beyaz işleme anteri 1 aded 150 guruş Fermâyiş şal 1 aded 2021 guruş Boğça 5 aded 21 guruş Sofra takımı 50 guruş Bir mikdâr saç 15 guruş Şal başbağı 1 aded 250 guruş Kılâbdan kadife salta 1 aded 131 guruş Şala kaplı samur kürk 1 aded 700 guruş Kılâbdanlı canfes anteri 1 aded 400 guruş Bir mikdâr çorap 43 guruş Fermâyiş şal 1 parça 500 guruş Kürk kabı 1 aded 20 guruş Abânî anteri 1 aded 101 guruş Savâyî 1 top 220 guruş Kürk parçaları 80 guruş Ceviz sandık 1 aded 40 guruş Fanila takımı 15 guruş Beledî döşek yüzü 4 aded 102 guruş Makra[ma] peşkir fûta sofra 102 guruş Bir mikdâr bez 27 guruş Çit tehî sandık 12 aded 112 guruş Bir mikdâr saçak ve çit 21 guruş Penbe yüz yasdığı 1 aded 6 guruş Havlu 1 aded, peştamâl 1 aded 27 guruş Tahta sandık 1 aded 23 guruş İhrâm yasdık 12 aded 380 guruş Ceviz sandık 1 aded 90 guruş Çuka ferâce 1 aded 350 guruş Sırma işleme yaşmak 1 aded 70 guruş Kılâbdanlı etek bağı 1 aded 68 guruş Marinoz kılâbdanlı elma kürk 1 aded 190 guruş Şal 4 aded, şal bağı 1 aded 180 guruş Kılâbdanlı gülmez anteri 1 aded 700 guruş Kılâbdanlı canfes şalvar 1 aded 235 guruş Kılâbdanlı suvâyî anteri 1 aded 250 guruş Kılâbdanlı canfes şalvar 1 aded 191 guruş Kılâbdanlı Selimiye anteri 1 aded 260 guruş Kılâbdan harçlı anteri 1 aded 310 guruş Şalvar 1 aded 46 guruş Bol işleme şalvar 1 aded 150 guruş Canfes gömlek 1 aded 57 guruş Canfes şalvar 2 aded 180 guruş İşleme dülbend 2 aded 200 guruş Yollu bürüncük gömlek 1 aded 101 guruş İşleme gömlek 1 aded 180 guruş Savâyî boğça 4 aded 81 guruş Çevre 3 aded 250 guruş İşleme baş bağı 101 guruş Bürüncük gömlek 4 aded 100 guruş Gülmez gömlek 1 aded 131 guruş Boğça 3 aded 80 guruş Oyalı bürüncük 10 aded 150 guruş Yazma yemenî 2 aded 40 guruş Bürüncük gömlek 3 aded 63 guruş Oyalı bürüncük 1 aded 75 guruş Bir mikdâr hurç 20 guruş Yorgan 2 aded 66 guruş Baş yasdığı, yüz yasdığı 5 aded 70 guruş Yorgan 2 aded 20 guruş Mere döşek 1 aded, şilte 1 aded 120 guruş Yorgan 2 aded 73 guruş Beledî döşek 1 aded, yüz yasdığı 1 aded 40 guruş Minder 8 aded 499 guruş Çuka yasdık 4 aded, mak‘ad 1 aded 74 guruş Çit yasdık 12 aded, koltuk 2 aded 200 guruş Çit yasdık 5 aded, mak‘ad 1 aded 86 guruş Yorgan 2 aded 35 guruş Minder 2 aded, şilte 1 aded, yasdık 2 aded 160 guruş Yorgan 1 aded, döşek 1 aded, şilte 1 aded 101 guruş Kilim 1 aded 100 guruş Döşek 1 aded, yorgan 1 aded, çârşeb 1 aded 75 guruş Minder 2 aded 150 guruş Sim zarf 10 aded, buhurdan 1 aded, sîm tabak 2 aded, kaşık 6 aded 870 guruş Seccâde 1 aded 150 guruş Bir mikdâr nühâs 1000 guruş Def‘a bir mikdâr nühâs 350 guruş Elmas tura 1 aded 7500 guruş Elmaslı mineli altın zihgîr 1 aded 1311 guruş Elmas çiçek 1 aded 15.153 guruş Altın kordon 2200 guruş Elmaslı zümrüd küpe 1 çift 652 guruş Elmaslıca zümrüd yüzük 1 aded 499 guruş Mineli altın sâ‘at 1 aded 500 guruş Bir mikdâr inci 1250 guruş Elmas yıldız resmi iğne 1 aded 3801 guruş Kabak çiçeği resmi iğne 2 aded 7249 guruş Piştahta 1 aded 170 guruş Havlu 2 aded, yorgan 1 aded, gömlek 2 aded 250 guruş Ah Mardıros ve Artin zimmîler zimmetlerinde bâ-tahvîl alacağı olup kabz olunan 35.500 guruş Yekûn 96.158,5 guruş Minhe’l-ihrâcât Deyn-i müsbet vekîl-i mersûm Zakar zimmî 15.000 guruş Dellâliye-i eşyâ ve elmas 120 guruş Yekûn 15.120 guruş El-bâkī: 81.038,5 guruş 2146,5 guruş resm-i âdî ve kaydiye 78.892 guruş sahhu’l-bâkī li’t-taksîm beyne’l-verese Hissetü’z-zevci’l-mersûm 19.723 guruş Hissetü’l-ümmi’l-mersûme 13.148,5 guruş 20 akçe Hissetü’l-binti’l-mersûme 39.446 guruş Hissetü’l-uhti’l-mersûme 1314,5 guruş 44 akçe Hissetü’l-ahi’l-mersûm 2629,5 guruş 28 akçe Hissetü’l-ahi’l-mersûm 2629,5 guruş 28 akçe [29b] Mahmiye-i İstanbul’da Vâlide Hanı’nda kâin bir bâb vakıf sarrâf odası ile hân-ı merkūm ittisâlinde vâki‘ bir bâb vakıf ekmekçi dükkânının rub‘u ve medîne-i mezbûrede Mumhâne iskelesinde kâin bir bâb kayıkhânenin rub‘u hâlike-i mersûmenin ile’l-helâk bi’l-icâreteyn taht-ı tasarrufunda olup ba‘de helâkihâ sagīre-i mersûme Parise’ye âdiyen ba‘de’l-intikāl, sagīre-i mersûmenin babası ve velîsi mersûm Haçadur dahi nısf oda-i mezkûr ve rub‘ ekmekçi dükkânı ve rub‘ kayıkhâne-i mezkûrları mesûğ-ı şer‘îye binâen bi’l-izni’ş-şer‘î ve bâ-ma‘rifet-i mütevellî el-yevm bedel-i misilleri idüğü ihbâr olunan ba‘de’l-keşf nısf oda-i mezkûr otuz beş bin guruş ve rub‘ ekmekçi dükkânı iki bin yedi yüz elli guruş ve rub‘ kayıkhâne-yi mezkûr iki bin iki yüz elli guruş ki cem‘an kırk bin guruş mukābelesinde bi’l-velâye âhara ferâğ ve tefvîz edip bedelleri olup sagīre-i mersûmeye teberru‘ ve ibrâ-i zimmet olunan meblağ-ı mecmû‘-ı mezkûr kırk bin guruş ve bâlâda muharrer hisse-i irsiyesi olan otuz dokuz bin dört yüz kırk altı guruş ki cem‘an yetmiş dokuz bin dört yüz kırk altı guruşun üç bin altmış guruşu izin hüccetleri harçlarına ve intikāl harçlarına ve müctemi‘ olan icârâtına ve bâkī yetmiş altı bin üç yüz seksen altı guruş bâ-hücec ve bâ-küfelâ yirmi bin guruş ah-ı mersûm Mardıros zimmîye otuz bin dokuz yüz kırk guruşu vekîl-i mersûm Kazer zimmî ve yirmi dört bin dört yüz kırk altı guruşu sagīre-i mersûmenin babası ve velîsi mersûm Haçadur zimmîye idâne olunduğu işbu mahalle şerh olundu. Temmeti’l-kelâm [Mühür].