Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 76 Hüküm no: 44 Orijinal metin no: [14a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tellak Haydar b. Mustafa kendisini bıçaklayan Tellak Mustafa Beşe b. Hüseyin’le sulh oldukları Kasaba-i Beşiktaş’da vâki‘ Sinan Paşa Hamamı tellâklarından Haydar b. Mustafa nâm kimesne mahfil-i kazâda işbu hâfızü’l-kitâb yine tâife-i merkūmeden Mustafa Beşe b. Hüseyin muvâcehesinde ikrâr ve takrîr-i kelâm edüp târih-i kitâb gecesi mezbûr Mustafa Beşe hamam-ı merkūmda beyne’l-ışâeyn beni sol budum üzere bıçak ile urup mecrûh etmişdir deyü da‘vâ sadedinde iken beynimize muslihûn tavassut edüp an-inkârin üç yüz akçe üzerine inşâ-i akd-i sulh eylediklerinde ben dahi sulh-ı mezbûru kabûl ve bedel-i sulh olan üç yüz akçeyi yedinden ahz u kabz eyledim ba‘de’l-yevm husûs-ı mezbûra müte‘allik da‘vâdan zimmetini ibrâ ve ıskāt eyledim deyicek gıbbe’t-tasdîk vicâhen mâ-vaka‘a ketb olundu. Hurrire fî-gurreti Saferi’l-hayr li-sene isneteyn ve sittîn ve elf. Şühûdü’l-hâl: Süleyman Beşe b. Hasan, Hamza b. Hüseyin, Hasan b. Hamza, Mehmed Beşe b. Hasan ve gayruhüm.